ਬੀਤੇ ਦਿਨੀਂ ਵਿਸ਼ੇਸ਼ ਲੋੜਾਂ ਵਾਲੇ ਵਿਦਿਆਰਥੀਆਂ ਦੇ ਜਿਲ੍ਹਾ ਪੱਧਰੀ ਖੇਡ ਮੁਕਾਬਲੇ ਸਪਸ ਮੰਗਵਾਲ ਵਿਖੇ ਕਰਵਾਏ ਗਏ। ਜਿਸ ਵਿੱਚ ਸਰਕਾਰੀ ਮਿਡਲ ਸਮਾਰਟ ਸਕੂਲ ਖੇੜੀ ਚੰਦਵਾਂ ਦੀ ਛੇਵੀਂ ਸ੍ਰੇਣੀ ‘ਚ ਪੜ੍ਹਦੀ ਅਮਨਪ੍ਰੀਤ ਕੌਰ ਨੇ 100 ਮੀਟਰ ਦੀ ਦੌੜ ਵਿੱਚ ਪਹਿਲਾ ਸਥਾਨ ਪ੍ਰਾਪਤ ਕੀਤਾ ਹੈ। ਸਕੂਲ ਇੰਚਾਰਜ ਬਾਲ ਕ੍ਰਿਸ਼ਨ ਦੀ ਯੋਗ ਅਗਵਾਈ ਵਿੱਚ ਸਮਾਗਮ ਕਰਵਾਇਆ ਗਿਆ ਜਿਸ ਦੌਰਾਨ ਹੋਣਹਾਰ ਵਿਦਿਆਰਥਣ ਨੂੰ ਸਨਮਾਨਿਤ ਕੀਤਾ ਗਿਆ। ਇਸ ਸਮਾਗਮ ਵਿੱਚ ਹੋਰਨਾਂ ਤੋਂ ਇਲਾਵਾ ਈਸ਼ਵਰ ਚੰਦ ਸਾਇੰਸ ਮਾਸਟਰ, ਗਗਨਦੀਪ ਸ਼ਰਮਾ ਸਸ ਮਾਸਟਰ, ਮਨਜੀਤ ਕੁਮਾਰੀ ਫਿਜੀਕਲ ਟਰੇਨਿੰਗ ਇੰਸਟ੍ਰੱਕਟਰ, ਪਰਮਜੀਤ ਕੌਰ ਪੰਜਾਬੀ ਅਧਿਆਪਕਾ ਆਦਿ ਖਾਸ ਤੌਰ ਤੇ ਹਾਜ਼ਰ ਸਨ। ਸਕੂਲ ਮੁਖੀ ਨੇ ਦੱਸਿਆ ਕਿ ਇਸ ਕਾਮਯਾਬੀ ਦੇ ਪਿੱਛੇ ਮਨਜੀਤ ਕੁਮਾਰੀ ਪੀਟੀਆਈ ਵੱਲੋਂ ਕਰਵਾਈ ਗਈ ਤਿਆਰੀ ਦਾ ਕਾਫ਼ੀ ਯੋਗਦਾਨ ਰਿਹਾ। ਇਹ ਵਿਦਿਆਰਥਣ ਪਹਿਲਾਂ ਵੀ ਕਾਫੀ ਖੇਡ ਮੁਕਾਬਲਿਆਂ ਵਿੱਚ ਮੱਲਾਂ ਮਾਰ ਚੁੱਕੀ ਹੈ। ਸਤਪਾਲ ਸਿੰਘ ਬਲਾਸੀ ਪ੍ਰਿੰਸੀਪਲ ਸਸਸਸ ਸਕਰੌਦੀ, ਬੀਐੱਨਓ ਪ੍ਰੀਤਇੰਦਰ ਘਈ, ਬਲਾਕ ਪ੍ਰਾਇਮਰੀ ਸਿੱਖਿਆ ਅਫਸਰ ਗੋਪਾਲ ਸ਼ਰਮਾ, ਰਜਨੀ ਬਾਲਾ ਆਈ.ਈ.ਆਰ.ਟੀ ਨੇ ਵਿਦਿਆਰਥਣ ਨੂੰ ਰਾਜ ਪੱਧਰ ਤੇ ਹੋਣ ਵਾਲੇ ਦੌੜ ਮੁਕਾਬਲੇ ਦੇ ਲਈ ਸੁੱਭ ਕਾਮਨਾਵਾਂ ਦਿੱਤੀਆਂ।
