ਜ਼ੀਰਾ 7 ਅਕਤੂਬਰ( ਜੀ ਐਸ ਸਿੱਧੂ )
ਸੁਆਮੀ ਸਵਤੇ ਪ੍ਰਕਾਸ਼ ਸਰਬ ਹਿੱਤਕਾਰੀ ਵਿੱਦਿਆ ਮੰਦਰ ਜ਼ੀਰਾ ਵਿਖੇ ਦੋ ਰੋਜ਼ਾ ਬਾਲ ਸ਼ਿਵਰ ਕੈਂਪ ਲਗਾਇਆ ਗਿਆ। ਇਸ ਪ੍ਰੋਗਰਾਮ ਦੇ ਦੂਜੇ ਦਿਨ ਮੁੱਖ ਮਹਿਮਾਨ ਵਜੋਂ ਉਘੇ ਸਮਾਜ ਸੇਵੀ ਸੁਖਦੇਵ ਬਿੱਟੂ ਵਿੱਜ ਸਾਬਕਾ ਮੀਤ ਪ੍ਰਧਾਨ ਨਗਰ ਕੌਂਸਲ ਜ਼ੀਰਾ ਅਤੇ ਰਕੇਸ਼ ਸ਼ਰਮਾ ਪ੍ਰਿੰਸੀਪਲ ਸ਼ਹੀਦ ਗੁਰਦਾਸ ਰਾਮ ਸੀਨੀਅਰ ਸੈਕੰਡਰੀ ਸਕੂਲ ਲੜਕੀਆਂ ਜ਼ੀਰਾ ਨੇ ਸ਼ਿਰਕਤ ਕੀਤੀ। ਇਸ ਮੌਕੇ ਬੱਚਿਆਂ ਨੂੰ ਸੂਰਜ ਨਮਸਕਾਰ,ਯੋਗ, ਪਿਰਾਮਿਡ,ਇਕਾਂਤਕ ਸਰੋਤ ਸਲੋਕ, ਸ਼ਬਦ ਗਾਇਨ, ਕਬਾੜ ਅਤੇ ਜੁਗਾੜ ਭਾਸ਼ਣ ਪ੍ਰਤੀਯੋਗਿਤਾ, ਮੋਨੋ ਐਕਟਿੰਗ ਆਦਿ ਕਰਿਆਵਾਂ ਕਰਵਾਈਆਂ ਗਈਆਂ। ਇਸ ਮੌਕੇ ਸਮਾਰੋਹ ਦੇ ਮੁੱਖ ਮਹਿਮਾਨ ਉਘੇ ਸਮਾਜ ਸੇਵੀ ਸੁਖਦੇਵ ਵਿੱਜ ਵੱਲੋਂ ਵੱਖ ਵੱਖ ਖੇਤਰਾਂ ਵਿੱਚੋਂ ਮੱਲਾਂ ਮਾਰਨ ਵਾਲੇ ਵਾਲੇ ਵਿਦਿਆਰਥੀਆਂ ਨੂੰ ਸਨਮਾਨ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਸਵਾਮੀ ਸਵਤੇ ਪ੍ਰਕਾਸ਼ ਸਰਵਹਿੱਤਕਾਰੀ ਵਿੱਦਿਆ ਮੰਦਰ ਪ੍ਰਬੰਧਕ ਕਮੇਟੀ ਪ੍ਰਧਾਨ ਕਰਨ ਬੰਸਲ , ਸਤਪਾਲ ਨਰੂਲਾ ਵਿਭਾਗ ਪ੍ਰਧਾਨ ਲੁਧਿਆਣਾ , ਸਕੂਲ ਪ੍ਰਬੰਧਕ ਸੁੰਦਰਮ ਸੂਦ, ਸੰਕਲਪ ਪ੍ਰਮੁੱਖ ਸ਼੍ਰੀਮਤੀ ਨੀਲੂ ਨਰੂਲਾ, ਮੈਂਬਰ ਵਨੀਤਾ ਝਾਂਜੀ, ਸੁਭਾਸ਼ ਗੁਪਤਾ ਪ੍ਰਧਾਨ ਸਰਵਹਿੱਤਕਾਰੀ ਜ਼ਿਲ੍ਹਾ ਸਮਿਤੀ, ਲੈਕਚਰਾਰ ਸਤੀਸ਼ ਮੋਹਨ ਆਦਿ ਹਾਜ਼ਰ ਸਨ।
