ਕੋਟ ਈਸੇ ਖਾਂ/ ਮੋਗਾ (ਲਵਪ੍ਰੀਤ ਸਿੰਘ ਸਿੱਧੂ)
ਪੰਜਾਬ ਦੀ ਨਾਮੀ ਸਮਾਜ ਸੇਵੀ ਸੰਸਥਾ ਭਾਰਤ ਵਿਕਾਸ ਪ੍ਰੀਸ਼ਦ ਦੀ ਬ੍ਰਾਂਚ ਕੋਟ ਈਸੇ ਖਾਂ ਵੱਲੋਂ ਕੈਂਬਰਿਜ ਸਕੂਲ ਕੋਟ ਈਸੇ ਖਾਂ ਵਿਖੇ ਸਨਮਾਨ ਸਮਾਰੋਹ ਕਰਵਾਇਆ ਗਿਆ। ਇਸ ਮੌਕੇ ਮੁੱਖ ਮਹਿਮਾਨ ਵਜੋਂ ਭਾਰਤ ਵਿਕਾਸ ਪ੍ਰੀਸ਼ਦ ਪੰਜਾਬ ਦੇ ਵਾਈਸ ਪ੍ਰਧਾਨ ਸਤਿੰਦਰ ਸਚਦੇਵਾ ਨੇ ਸ਼ਿਰਕਤ ਕੀਤੀ। ਇਸ ਮੌਕੇ ਉਨ੍ਹਾਂ ਦੇ ਨਾਲ ਵਿਸ਼ੇਸ਼ ਤੌਰ ਤੇ ਲੈਕਚਰਾਰ ਨਰਿੰਦਰ ਸਿੰਘ ਪ੍ਰਧਾਨ ਐਨਜੀਓ ਕੋਆਰਡੀਨੇਸ਼ਨ ਕਮੇਟੀ, ਅਮਰਜੀਤ ਸ਼ਰਮਾ ਪ੍ਰਧਾਨ ਭਾਵਿਪ ਬ੍ਰਾਂਚ ਕੋਟ ਈਸੇ ਖਾਂ ਅਰੁਣ ਸ਼ਰਮਾ, ਆਕਾਸ਼ਦੀਪ ਸ਼ਰਮਾ, ਅਸ਼ੋਕ ਕੁਮਾਰ, ਸ਼ਿਵਮ ਗਰੋਵਰ, ਮਨਦੀਪ ਮਾਲੜਾ ਚੇਅਰਮੈਨ ਕੈਂਬਰਿਜ ਸਕੂਲ ਗੁਰਵਿੰਦਰ ਸਿੰਘ ਪ੍ਰਿੰਸੀਪਲ ਅਤੇ ਸਮੂਹ ਸਟਾਫ ਹਾਜਰ ਸਨ। । ਇਸ ਮੌਕੇ ਸੰਸਥਾ ਵੱਲੋਂ ਗੁਰੂ ਵੰਦਨਾ ਅਬੀਨੰਦਨ ਪ੍ਰੋਜੈਕਟ ਅਧੀਨ ਕੈਬਰਿਜ ਸਕੂਲ ਕੋਟ ਈਸੇ ਖਾਂ ਦੇ ਪੰਜ ਅਧਿਆਪਕਾਂ ਅਤੇ 28 ਵਿਦਿਆਰਥੀਆਂ ਨੂੰ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਕੈਂਬਰਿਜ਼ ਸਕੂਲ ਦੇ ਚੇਅਰਮੈਨ ਮਾਲੜਾ ਨੇ ਆਏਂ ਮਹਿਮਾਨਾ ਦਾ ਧੰਨਵਾਦ ਕੀਤਾ।
