ਸੰਘਾਈ, – ਚੀਨ ਵਿੱਚ ਇੱਕ ਵਾਰ ਫਿਰ ਤੋਂ ਕਰੋਨਾ ਇਨਫੈਕਸਨ ਦੇ ਮਾਮਲੇ ਵੱਧ ਰਹੇ ਹਨ। ਇਸ ਦੇ ਮੱਦੇਨਜਰ ਦੇਸ ਦੇ ਵਿੱਤੀ ਹੱਬ ਸੰਘਾਈ ਵਿੱਚ ਲਾਕਡਾਊਨ ਲਗਾਇਆ ਗਿਆ ਹੈ। ਆਬਾਦੀ ਵਾਲੇ ਸਹਿਰ ਸੰਘਾਈ ਵਿੱਚ ਮੰਗਲਵਾਰ ਨੂੰ ਤਾਲਾਬੰਦੀ ਦਾ ਦੂਜਾ ਦਿਨ ਹੈ। ਇਸ ਤਹਿਤ ਪਾਬੰਦੀਆਂ ਹੋਰ ਸਖਤ ਕਰ ਦਿੱਤੀਆਂ ਗਈਆਂ ਹਨ। ਇੱਥੋਂ ਦੇ ਲੋਕਾਂ ਨੂੰ ਕੋਰੋਨਾ ਟੈਸਟ ਹੋਣ ਤਕ ਘਰ ਦੇ ਅੰਦਰ ਹੀ ਰਹਿਣ ਦੀ ਹਦਾਇਤ ਕੀਤੀ ਗਈ ਹੈ। ਦਰਅਸਲ, ਇੱਥੇ ਰੋਜਾਨਾ ਆਉਣ ਵਾਲੇ ਕੋਰੋਨਾ ਸੰਕਰਮਿਤਾਂ ਦੀ ਗਿਣਤੀ 4,400 ਨੂੰ ਪਾਰ ਕਰ ਗਈ ਹੈ। ਹੁਆਂਗਪੂ ਦੇ ਪੂਰਬ ਵਿੱਚ ਰਹਿਣ ਵਾਲੇ ਲੋਕਾਂ ਨੂੰ ਤਾਲਾਬੰਦੀ ਦੇ ਪਹਿਲੇ ਦਿਨ ਆਪਣੇ ਘਰਾਂ ਦੇ ਅੰਦਰ ਰਹਿਣ ਦੀ ਹਦਾਇਤ ਦਿੱਤੀ ਗਈ ਸੀ, ਜਿਨ੍ਹਾਂ ਵਿੱਚੋਂ ਬਹੁਤਿਆਂ ਨੂੰ ਘੁੰਮਣ ਦੀ ਇਜਾਜਤ ਦਿੱਤੀ ਗਈ ਸੀ। ਉੱਥੇ ਮੌਜੂਦ ਦੋ ਲੋਕਾਂ ਨੇ ਰਾਇਟਰਜ ਨੂੰ ਦੱਸਿਆ ਕਿ ਉਨ੍ਹਾਂ ਨੂੰ ਆਪਣੇ ਗੁਆਂਢੀਆਂ ਤੋਂ ਸੂਚਨਾ ਮਿਲੀ ਸੀ ਕਿ ਉਨ੍ਹਾਂ ਨੂੰ ਆਪਣਾ ਘਰ ਛੱਡਣ ਦੀ ਲੋੜ ਨਹੀਂ ਹੈ। ਚੀਨ ਦੇ ਆਰਥਿਕ ਸਹਿਰ ਦੀ ਆਬਾਦੀ 26 ਮਿਲੀਅਨ ਹੈ। ਇੱਥੇ ਵੱਡੇ ਪੱਧਰ ‘ਤੇ ਟੈਸਟਿੰਗ ਚੱਲ ਰਹੀ ਹੈ। ਕੋਰੋਨਾ ਟੈਸਟਿੰਗ ਨੂੰ ਪ੍ਰਭਾਵਸਾਲੀ ਬਣਾਉਣ ਲਈ ਸਹਿਰ ਦੇ ਕੁਝ ਹਿੱਸਿਆਂ ਨੂੰ ਵੰਡਿਆ ਗਿਆ ਹੈ। ਇੱਕ ਖੇਤਰ ਹੁਆਂਗਪੂ ਨਦੀ ਦੇ ਨੇੜੇ ਹੈ ਜੋ ਸਹਿਰ ਵਿੱਚੋਂ ਵਗਦਾ ਹੈ, ਅਤੇ ਦੂਜਾ ਪੁਡੋਂਗ ਅਤੇ ਇਸਦੇ ਆਲੇ ਦੁਆਲੇ ਦੇ ਖੇਤਰ ਦਾ ਇਤਿਹਾਸਕ ਕੇਂਦਰ ਹੈ। ਸਥਾਨਕ ਪ੍ਰਸਾਸਨ ਮੁਤਾਬਕ ਪੁਡੋਂਗ ਅਤੇ ਇਸ ਦੇ ਆਸਪਾਸ ਦੇ ਇਲਾਕਿਆਂ ‘ਚ ਅਗਲੇ ਸੁੱਕਰਵਾਰ ਤੱਕ ਲਾਕਡਾਊਨ ਲਗਾਇਆ ਗਿਆ ਹੈ। ਪੁਡੋਂਗ ਨੂੰ ਸਹਿਰ ਦਾ ਵਿੱਤੀ ਕੇਂਦਰ ਮੰਨਿਆ ਜਾਂਦਾ ਹੈ। ਹੁਆਂਗਪੂ ਨਦੀ ਸੰਘਾਈ ਵਿੱਚੋਂ ਲੰਘਦੀ ਹੈ। ਸੰਘਾਈ ਪ੍ਰਸਾਸਨ ਦੁਆਰਾ ਜਾਰੀ ਦਿਸਾ-ਨਿਰਦੇਸਾਂ ਦੇ ਅਨੁਸਾਰ, ਲਾਕਡਾਊਨ ਖੇਤਰ ਵਿੱਚ ਰਹਿਣ ਵਾਲੇ ਲੋਕਾਂ ਨੂੰ ਘਰ ਦੇ ਅੰਦਰ ਹੀ ਰਹਿਣਾ ਹੋਵੇਗਾ ਅਤੇ ਜਰੂਰੀ ਸਮਾਨ ਦੀ ਡਿਲੀਵਰੀ ਕੀਤੀ ਜਾਵੇਗੀ। ਲੌਕਡਾਊਨ ਦੌਰਾਨ ਜਰੂਰੀ ਕੰਮਕਾਜ ਨੂੰ ਛੱਡ ਕੇ ਸਹਿਰ ਦੇ ਸਾਰੇ ਦਫਤਰਾਂ ਨੂੰ ਬੰਦ ਕਰਨ ਦੇ ਹੁਕਮ ਦਿੱਤੇ ਗਏ ਹਨ। 28 ਮਾਰਚ ਨੂੰ, ਚੀਨ ਵਿੱਚ ਕਰੋਨਾ ਦੀ ਲਾਗ ਦੇ 4,381 ਲੱਛਣ ਰਹਿਤ ਮਾਮਲੇ ਅਤੇ 96 ਲੱਛਣ ਵਾਲੇ ਮਾਮਲੇ ਸਾਹਮਣੇ ਆਏ ਸਨ। ਦੇਸ ਵਿੱਚ ਜੀਰੋ ਕੋਰੋਨਾ ਕੇਸ ਦੇ ਉਦੇਸ ਲਈ, ਸੰਘਾਈ ਵਿੱਚ ਵਿਆਪਕ ਟੈਸਟਿੰਗ ਦੀ ਪ੍ਰਕਿਰਿਆ ਚੱਲ ਰਹੀ ਹੈ ਅਤੇ ਬਹੁਤ ਜ?ਿਆਦਾ ਸੰਕਰਮਣ ਵਾਲੇ ਓਮੀਕ੍ਰੋਨ ਵੇਰੀਐਂਟ ਨੂੰ ਜਲਦੀ ਤੋਂ ਜਲਦੀ ਕਾਬੂ ਕਰਨ ਦੀ ਕੋਸ?ਿਸ ਕੀਤੀ ਜਾ ਰਹੀ ਹੈ। ਨਵੰਬਰ 2019 ਵਿੱਚ ਚੀਨ ਤੋਂ ਹੀ ਕੋਰੋਨਾ ਮਹਾਮਾਰੀ ਸੁਰੂ ਹੋਈ ਸੀ। ਜਿਸ ਤੋਂ ਬਾਅਦ ਇਹ ਮਹਾਮਾਰੀ ਪੂਰੀ ਦੁਨੀਆ ਵਿੱਚ ਫੈਲ ਗਈ।
