ਨੂਰਮਹਿਲ 30 ਸਤੰਬਰ ( ਨਰਿੰਦਰ ਭੰਡਾਲ )
ਨੂਰਮਹਿਲ ਦੇ ਥਾਣਾ ਬਿਲਗਾ ਵਿਖੇ ਤਇਨਾਤ ਸਬ ਇੰਸਪੈਕਟਰ ਜਗਤਾਰ ਸਿੰਘ ਨੂੰ ਉਨ੍ਹਾਂ ਦੀ ਸੇਵਾ ਮੁਕਤੀ ਮੌਕੇ ਸਹਿਕਰਮੀਆਂ ਵੱਲੋਂ ਵਿਦਾਇਗੀ ਪਾਰਟੀ ਦਿੱਤੀ ਗਈ। ਇਸ ਮੌਕੇ ਸਬ ਇੰਸਪੈਕਟਰ ਜਗਤਾਰ ਸਿੰਘ ਆਪਣੀ 35 ਸਾਲ ਦੀ ਨੌਕਰੀ ਤੇ ਬੇਦਾਗ਼ ਸੇਵਾ ਮੁਕਤ ਹੋਣ ਤੇ ਸਹਿਕਰਮੀਆਂ ਵੱਲੋਂ ਵਧਾਇਗੀ ਪਾਰਟੀ ਸਮਾਗਮ ਪੁਲਿਸ ਥਾਣਾ ਬਿਲਗਾ ਵਿਖੇ ਕੀਤਾ ਗਿਆ। ਇਸ ਮੌਕੇ ਵਿਸ਼ੇਸ਼ ਤੌਰ ਤੇ ਪਹੁੰਚੇ ਪੰਜਾਬ ਪੁਲਿਸ ਜਲੰਧਰ ਦਿਹਾਤੀ ਦੇ ਐੱਸ. ਐੱਸ ਪੀ ਹਰਕਮਲਪੑੀਤ ਸਿੰਘ ਖੱਖ ਅਤੇ ਦਿਹਾਤੀ ਦੇ ਐੱਸ ਪੀ ਹੈੱਡ ਕੁਆਰਟਰ ਜਲੰਧਰ ਨੇ ਸਬ ਇੰਸਪੈਕਟਰ ਜਗਤਾਰ ਸਿੰਘ ਦੀਆਂ ਸੇਵਾਵਾਂ ਨੂੰ ਮੁੱਖ ਰੱਖਦਿਆਂ ਉਨ੍ਹਾਂ ਨੂੰ ਸਨਮਾਨ ਚਿੰਨੵ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਥਾਣਾ ਬਿਲਗਾ ਮੁਖੀ ਰਕੇਸ਼ ਕੁਮਾਰ ਨੇ ਉਨ੍ਹਾਂ ਨੂੰ ਸੇਵਾ ਮੁਕਤੀ ਮੌਕੇ ਵਧਾਈ ਦਿੱਤੀ ਅਤੇ ਲੰਮੀ ਉਮਰ ਦੀਆਂ ਸ਼ੁਭ ਕਾਮਨਾਵਾਂ ਦਿੱਤੀਆਂ। ਇਸ ਮੌਕੇ ਸਬ ਇੰਸਪੈਕਟਰ ਜਗਤਾਰ ਸਿੰਘ ਨੇ ਸਾਥੀ ਕਰਮਚਾਰੀਆਂ ਦਾ ਧੰਨਵਾਦ ਕਰਦਿਆਂ ਕਿਹਾ ਉਹ ਹਮੇਸ਼ਾ ਸੰਵਿਧਾਨ ਦੇ ਤਹਿਤ ਰਹਿਕੇ ਸੇਵਾ ਮੁਕਤ ਹੋਣ ਬਾਅਦ ਵੀ ਪਰਿਵਾਰ ਦੇ ਨਾਲ ਨਾਲ ਮਹਿਕੇ ਦੇ ਕੰਮ ਕਰਦੇ ਰਹਿਣਗੇ। ਇਸ ਦੌਰਾਨ ਸਬ ਇੰਸਪੈਕਟਰ ਜਗਤਾਰ ਸਿੰਘ ਦਾ ਸਹਿਕਰਮੀਆਂ ਵੱਲੋਂ ਤੋਹਫਿਆਂ ਨਾਲ ਸਨਮਾਨ ਕੀਤਾ ਗਿਆ।
