ਡੂੰਘੇ ਟੋਏ ’ਚ ਨਹਾਉਣ ਗਏ ਬੱਚੇ ਡੁਬੇ, ਫਾਇਰ ਬਿ੍ਰਗੇਡ ਅਤੇ ਗੋਤਾਖੋਰ ਪਹੁੰਚੇ ਮੌਕੇ ’ਤੇ
ਗੁਰੂਗ੍ਰਾਮ, 10 ਅਕਤੂਬਰ : ਦਿੱਲੀ ਦੇ ਨਾਲ ਲੱਗਦੇ ਹਰਿਆਣਾ ਦੇ ਗੁਰੂਗ੍ਰਾਮ ’ਚ ਇੱਕ ਦਰਦਨਾਕ ਘਟਨਾ ਸਾਹਮਣੇ ਆਈ ਹੈ। ਗੁਰੂਗ੍ਰਾਮ ਦੇ ਸੈਕਟਰ-110ਏ ’ਚ ਇਕ ਬਿਲਡਰ ਦੀ ਉਸਾਰੀ ਵਾਲੀ ਥਾਂ ’ਤੇ ਡੂੰਘੇ ਟੋਏ ’ਚ 8 ਬੱਚੇ ਡੁੱਬ ਗਏ। ਸੂਚਨਾ ਮਿਲਣ ਤੋਂ ਬਾਅਦ ਫਾਇਰ ਬ੍ਰਿਗੇਡ ਦੇ ਗੋਤਾਖੋਰ ਮੌਕੇ ’ਤੇ ਪਹੁੰਚ ਗਏ ਅਤੇ 6 ਬੱਚਿਆਂ ਦੀਆਂ ਲਾਸਾਂ ਨੂੰ ਬਾਹਰ ਕੱਢ ਕੇ ਬਾਕੀਆਂ ਦੀ ਭਾਲ ਜਾਰੀ ਹੈ।
ਟੋਏ ਕੋਲ ਬੱਚਿਆਂ ਦੇ ਕੱਪੜੇ ਪਏ ਮਿਲੇ ਹਨ। ਕੱਪੜਿਆਂ ਦੇ ਹਿਸਾਬ ਨਾਲ ਬੱਚਿਆਂ ਦੀ ਗਿਣਤੀ 8 ਦੱਸੀ ਜਾ ਰਹੀ ਹੈ। ਡਿਪਟੀ ਕਮਿਸਨਰ ਨਿਸਾਂਤ ਕੁਮਾਰ ਵੀ ਮੌਕੇ ’ਤੇ ਪਹੁੰਚ ਗਏ ਹਨ। ਸਾਰਿਆਂ ਬੱਚਿਆਂ ਦੀ ਉਮਰ 8 ਤੋਂ 10 ਸਾਲ ਦੇ ਵਿਚਕਾਰ ਹੈ। ਬੱਚਿਆਂ ਦਾ ਪਰਿਵਾਰ ਨੇੜਲੀ ਕਲੋਨੀ ਸੰਕਰ ਵਿਹਾਰ ’ਚ ਰਹਿ ਰਿਹਾ ਹੈ।
