ਐਨ ਐਸ ਕਿਓੂ ਐਫ ਯੂਨੀਅਨ ਕਮੇਟੀ ਵੱਲੋ ਲੋਕ ਸਭਾ ਚ ਆਵਾਜ਼ ਪਹੁੰਚਾਉਣ ਲਈ ਮੈਂਬਰ ਪਾਰਲੀਮੈਂਟ ਗੁਰਜੀਤ ਸਿੰਘ ਔਜਲਾ ਨਾਲ ਕੀਤੀ ਲੰਬੀ ਮੀਟਿੰਗ
ਅੰਮ੍ਰਿਤਸਰ (ਗਰਮੀਤ ਸਿੰਘ ਰਾਜਾ)ਐਨ ਐਸ ਕਿਓੂ ਐਫ ਯੂਨੀਅਨ ਕਮੇਟੀ ਪੰਜਾਬ ਵੱਲੋ ਮੰਗਾਂ ਨੂੰ ਲੈ ਸ੍ਰੀ ਅੰਮ੍ਰਿਤਸਰ ਸਾਹਿਬ ਦੇ ਮੈਂਬਰ ਪਾਰਲੀਮੈਂਟ ਸਰਦਾਰ ਗੁਰਜੀਤ ਸਿੰਘ ਔਜਲਾ ਜੀ ਦੇ ਨਾਲ ਮੀਟਿੰਗ ਕੀਤੀ ਗਈ॥ ਐਨ ਐਸ ਕਿਓੂ ਐਫ ਅਧਿਆਪਕਾਂ ਨੇ ਦੱਸਿਆ ਪਿਛਲੇ 9 ਸਾਲਾਂ ਤੋਂ ਤਨਖਾਹ ਵਾਧੇ ਲਈ ਸੰਘਰਸ਼ ਕਰ ਰਹੇ ਹਨ ਕਿਓੁਕਿ ਸਾਡੀ ਤਨਖਾਹ 2014 ਚ 15000 ਦੇ ਕਰੀਬ ਸੀ ਜਦਕਿ ਹੁਣ 9 ਸਾਲ ਬੀਤਣ ਦੇ ਬਾਵਜੂਦ ਵੀ 15000 ਹੀ ਹੈ ਪਰ ਮਹਿੰਗਾਈ ਕਈ ਗੁਣਾ ਵੱਧ ਚੁੱਕੀ ਹੈ॥ ਯੂਨੀਅਨ ਆਗੂਆਂ ਨੇ ਦੱਸਿਆ ਸਾਨੂੰ ਹੁਣ ਤੱਕ ਕੋਈ ਮੈਡੀਕਲ ਛੁੱਟੀ ਤੱਕ ਨਹੀਂ ਸਰਕਾਰ ਵੱਲੋਂ ਜਾਰੀ ਕੀਤੀ ਗਈ ਤੇ ਅਸੀ ਪਹਿਲੇ ਅਧਿਆਪਕ ਹੋਵਾਂਗੇ ਜਿੰਨਾਂ ਕੋਲ ਮੈਡੀਕਲ ਛੁੱਟੀ ਲੈਣ ਦਾ ਅਧਿਕਾਰ ਨਹੀ ਹੈ॥ ਆਗੂਆਂ ਨੇ ਔਜਲਾ ਸਾਹਿਬ ਜੀ ਨੂੰ ਬੇਨਤੀ ਕੀਤੀ ਕਿ ਸਾਡੀ ਐਨ ਐਸ ਕਿਊ ਐੱਫ ਦੀ ਆਵਾਜ਼ ਮੈਂਬਰ ਲੋਕ ਸਭਾ ਚ ਓੁਠਾਈ ਜਾਵੇ ਕਿਓੁਕਿ ਸਾਡੀ ਐਨ ਐਸ਼ ਕਿਓੂ ਐਫ ਸਕੀਮ ਕੇਂਦਰ ਅਧੀਨ ਹੈ ਤੇ ਲੋਕ ਸਭਾ ਚ ਅਗਰ ਸਾਡਾ ਆਵਾਜ਼ ਬੁਲੰਦ ਹੋਵੇਗੀ ਤਾਂ ਜ਼ਰੂਰ ਕੇਂਦਰ ਸਰਕਾਰ ਸੋਚਣ ਤੇ ਮਜਬੂਰ ਹੋਵੇਗੀ ॥ ਗੁਰਜੀਤ ਸਿੰਘ ਔਜਲਾ ਜੀ ਨੇ ਕਿਹਾ ਕਿ ਜੁਲਾਈ ਚ ਲੋਕ ਸਭਾ ਸ਼ੈਸਨ ਚ ਜ਼ਰੂਰ ਤੁਹਾਡਾ ਮੁੱਦਾ ਚੁੱਕਿਆ ਜਾਵੇਗਾ॥ ਉਹਨਾ ਕਿਹਾ ਤੁਹਾਡੀ ਆਵਾਜ਼ ਜ਼ੋਰ ਸ਼ੋਰ ਨਾਲ ਲੋਕ ਸਭਾ ਚ ਚੁੱਕਾਂਗੇ ॥ਓੁਹਨਾਂ ਇਸ ਸੰਬੰਧੀ ਸਾਡੇ ਕੋਲੋ ਕੁੱਝ ਦਸਤਾਵੇਜ਼ ਮੰਗੇ ਹਨ ਜੋ ਜਲਦ ਯੂਨੀਅਨ ਕਮੇਟੀ ਓੁਹਨਾਂ ਨੂੰ ਭੇਜ ਦੇਵੇਗੀ ॥
ਇਸ ਮੌਕੇ ਯੂਨੀਅਨ ਕਮੇਟੀ ਵੱਲੋਂ ਗੁਰਪਾਲ ਸਿੰਘ , ਗੁਰਿੰਦਰਬੀਰ ਸਿੰਘ , ਰਜਿੰਦਰ ਸਿੰਘ, ਰੋਹਿਤ ਕੁਮਾਰ, ਹਰਮਨ ਸਿੰਘ ਬੱਗਾ, ਸਤਿਸਿਮਰਨਪ੍ਰੀਤ ਸਿੰਘ, ਗੁਰਪ੍ਰੀਤ ਸਿੰਘ ਆਦਿ ਹਾਜ਼ਰ ਹਨ।
