ਹੁਸ਼ਿਆਰਪੁਰ 7 ਮਾਰਚ (ਤਰਸੇਮ ਦੀਵਾਨਾ)
ਸ਼੍ਰੀ ਸ਼ਿਵ ਮੰਦਰ ਬੰਸੀ ਨਗਰ ਵੱਲੋਂ ਮਹਾਂਸ਼ਿਵਰਾਤਰੀ ਦੇ ਤਿਉਹਾਰ ਮੌਕੇ ਸਮੂਹ ਨਗਰ ਨਿਵਾਸੀਆਂ ਦੇ ਸਹਿਯੋਗ ਨਾਲ ਤੀਸਰੀ ਵਿਸ਼ਾਲ ਸ਼ੋਭਾ ਯਾਤਰਾ ਕੱਢੀ ਗਈ। ਇਹ ਯਾਤਰਾ ਮੰਦਿਰ ਦੇ ਚੌਗਿਰਦੇ ਤੋਂ ਸ਼ੁਰੂ ਹੋ ਕੇ ਸ਼ਹਿਰ ਦੇ ਵੱਖ-ਵੱਖ ਇਲਾਕਿਆਂ ਤੋਂ ਹੁੰਦੀ ਹੋਈ ਵਾਪਿਸ ਮੰਦਰ ਪਹੁੰਚ ਕੇ ਸਮਾਪਤ ਹੋਈ | ਇਸ ਦੌਰਾਨ ਸਮਾਜ ਸੇਵੀ ਸੰਸਥਾਵਾਂ, ਧਾਰਮਿਕ ਸੰਸਥਾਵਾਂ ਅਤੇ ਮੰਦਰ ਕਮੇਟੀਆਂ ਨੇ ਸ਼ੋਭਾ ਯਾਤਰਾ ਦਾ ਸਵਾਗਤ ਕੀਤਾ ਅਤੇ ਪ੍ਰਸ਼ਾਦ ਵੰਡਿਆ। ਇਸ ਮੌਕੇ ਭਾਜਪਾ ਸਪੋਰਟਸ ਸੈੱਲ ਪੰਜਾਬ ਦੇ ਪ੍ਰਧਾਨ ਡਾ: ਰਮਨ ਘਈ ਨੇ ਸਮੂਹ ਦੇਸ਼ ਵਾਸੀਆਂ ਨੂੰ ਮਹਾਸ਼ਿਵਰਾਤਰੀ ਦੀ ਵਧਾਈ ਦਿੱਤੀ | ਉਨ੍ਹਾਂ ਕਿਹਾ ਕਿ ਸ਼ਿਵ ਇਸ ਸ੍ਰਿਸ਼ਟੀ ਦਾ ਆਧਾਰ ਹੈ ਅਤੇ ਮਹਾਸ਼ਿਵਰਾਤਰੀ ਦੇ ਦਿਨ ਪੂਜਾ ਕਰਨ ਲਈ ਵਿਸ਼ੇਸ਼ ਨਿਯਮ ਦਿੱਤੇ ਗਏ ਹਨ ਅਤੇ ਸਾਰਿਆਂ ਨੂੰ ਪੂਰੀ ਸ਼ਰਧਾ ਭਾਵਨਾ ਨਾਲ ਇਸ ਦੀ ਪੂਜਾ ਕਰਨੀ ਚਾਹੀਦੀ ਹੈ। ਡਾ: ਘਈ ਨੇ ਮਹਾਂਸ਼ਿਵਰਾਤਰੀ ‘ਤੇ ਯਾਤਰਾ ‘ਚ ਸ਼ਾਮਲ ਸਮੂਹ ਮੰਦਿਰ ਕਮੇਟੀਆਂ ਅਤੇ ਸ਼ਹਿਰ ਵਾਸੀਆਂ ਨੂੰ ਵਧਾਈ ਦਿੱਤੀ ਅਤੇ ਸਾਰਿਆਂ ਦਾ ਧੰਨਵਾਦ ਕੀਤਾ | ਇਸ ਮੌਕੇ ਅਸ਼ੋਕ ਗੋਲਡੀ, ਬਿੱਲਾ, ਮੌਂਟੀ, ਹਰੀਸ਼ ਬੇਦੀ, ਬੱਲੂ, ਰਾਹੁਲ, ਦੇਸਰਾਜ, ਡਾ: ਪੰਕਜ ਸ਼ਰਮਾ, ਗੌਰਵ ਵਾਲੀਆ, ਡਾ: ਰਾਜ ਕੁਮਾਰ ਸੈਣੀ, ਗੌਰਵ ਸ਼ਰਮਾ, ਬਲਜਿੰਦਰ ਸਿੰਘ, ਰਵੀ ਗੁਪਤਾ, ਪੰਡਤ ਓਮਕਾਰਨਾਥ ਸ਼ਰਮਾ, ਸ਼ਿੰਦਾ ਪ੍ਰਧਾਨ, ਡਾ. ਰਜਿੰਦਰ ਨਾਹਰ, ਜਗਦੀਸ਼ ਮਿਨਹਾਸ, ਰਾਣਾ, ਪੰਡਿਤ ਵਕੀਲ ਤਿਵਾੜੀ, ਮੋਹਿਤ, ਕੌਂਸਲਰ ਜਸਵਿੰਦਰਪਾਲ, ਕੌਂਸਲਰ ਵਿਕਾਸ ਗਿੱਲ, ਤਰੁਣ ਸਿੱਕਾ, ਲੱਕੀ, ਰਘੁਵੀਰ ਗਿੱਲ, ਦਲਜੀਤ ਧਾਮੀ, ਗੁਰਨਾਮ ਸਿੰਘ ਸਿੰਗਦੀਵਾਲਾ, ਯੋਗੇਸ਼ ਕਾਲੀਆ, ਰਮਨੀਸ਼ ਘਈ, ਮੋਹਨ ਸ਼ਰਮਾ, ਸਿੰਮੀ, ਨਿਸ਼ਾ, ਕਾ. , ਆਰਤੀ, ਚੰਚਲ, ਸਰੋਜ, ਅਮਨ, ਨੂਰੀ, ਕਾਂਤਾ ਰਾਣੀ, ਪ੍ਰਭਾ, ਰੇਣੂ, ਨੀਲਮ ਅਤੇ ਕਿਰਤਮ ਮੰਡਲੀ ਦੇ ਮੈਂਬਰਾਂ ਨੇ ਸ਼ੋਭਾ ਯਾਤਰਾ ਵਿੱਚ ਭਾਗ ਲਿਆ ਅਤੇ ਭਗਵਾਨ ਸ਼ਿਵ ਦੀ ਮਹਿਮਾ ਦਾ ਗਾਇਨ ਕੀਤਾ।
