Indore Test: ਇੰਦੌਰ ਟੈਸਟ ਦੀ ਪਹਿਲੀ ਪਾਰੀ ‘ਚ ਵਿਰਾਟ ਕੋਹਲੀ ਸਿਰਫ 22 ਦੌੜਾਂ ਹੀ ਬਣਾ ਸਕੇ ਸਨ। ਹਾਲਾਂਕਿ ਇਸ ਦੇ ਬਾਵਜੂਦ ਉਹ ਆਸਟ੍ਰੇਲੀਆਈ ਬੱਲੇਬਾਜ਼ੀ ਦੇ ਦੌਰਾਨ ਡਾਂਸ ਕਰਦੇ ਨਜ਼ਰ ਆਏ।
Virat Kohli: ਮੈਚ ‘ਚ ਹਾਲਾਤ ਭਾਵੇਂ ਕੁਝ ਵੀ ਹੋਣ ਪਰ ਵਿਰਾਟ ਕੋਹਲੀ ਹਮੇਸ਼ਾ ਆਪਣਾ ਮਜ਼ੇਦਾਰ ਅੰਦਾਜ਼ ਬਰਕਰਾਰ ਰੱਖਦੇ ਹਨ। ਭਾਰਤ ਅਤੇ ਆਸਟ੍ਰੇਲੀਆ ਵਿਚਾਲੇ ਇੰਦੌਰ ‘ਚ ਖੇਡੇ ਜਾ ਰਹੇ ਟੈਸਟ ਮੈਚ ਦੌਰਾਨ ਵੀ ਵਿਰਾਟ ਕੋਹਲੀ ਦਾ ਅਜਿਹਾ ਹੀ ਅੰਦਾਜ਼ ਦੇਖਣ ਨੂੰ ਮਿਲਿਆ। ਇੰਦੌਰ ਟੈਸਟ ਦੇ ਪਹਿਲੇ ਦਿਨ ਦੇ ਦੂਜੇ ਸੈਸ਼ਨ ‘ਚ ਵਿਰਾਟ ਮੈਦਾਨ ਦੇ ਵਿਚਕਾਰ ਡਾਂਸ ਕਰਦੇ ਨਜ਼ਰ ਆਏ। ਜਦੋਂ ਮੈਚ ‘ਤੇ ਆਸਟ੍ਰੇਲੀਆ ਦੀ ਪਕੜ ਮਜ਼ਬੂਤ ਹੋ ਰਹੀ ਸੀ ਤਾਂ ਉਨ੍ਹਾਂ ਨੇ ਆਪਣੇ ਡਾਂਸ ਮੂਵ ਦਿਖਾਏ।
ਇਸ ਮੁਕਾਬਲੇ ‘ਚ ਭਾਰਤੀ ਟੀਮ ਦੂਜੇ ਸੈਸ਼ਨ ‘ਚ ਹੀ ਆਲ ਆਊਟ ਹੋ ਗਈ ਸੀ। ਭਾਰਤੀ ਟੀਮ ਪਹਿਲੀ ਪਾਰੀ ਵਿੱਚ ਸਿਰਫ਼ 109 ਦੌੜਾਂ ਹੀ ਬਣਾ ਸਕੀ ਸੀ। ਜਵਾਬ ‘ਚ ਆਸਟ੍ਰੇਲੀਆ ਨੇ ਪਹਿਲਾ ਵਿਕਟ ਜਲਦੀ ਹੀ ਗੁਆ ਦਿੱਤਾ ਪਰ ਇਸ ਤੋਂ ਬਾਅਦ ਇਸ ਟੀਮ ਨੇ ਚੰਗੀ ਬੱਲੇਬਾਜ਼ੀ ਕੀਤੀ। ਜਦੋਂ ਆਸਟ੍ਰੇਲੀਆ ਦਾ ਸਕੋਰ ਇਕ ਵਿਕਟ ਗੁਆ ਕੇ 41 ਦੌੜਾਂ ‘ਤੇ ਪਹੁੰਚ ਗਿਆ ਅਤੇ ਟੀਮ ਇੰਡੀਆ ਦੇ ਗੇਂਦਬਾਜ਼ਾਂ ‘ਤੇ ਦਬਾਅ ਸੀ, ਉਸ ਦੌਰਾਨ ਕੋਹਲੀ ਕੁਝ ਅਜੀਬ ਡਾਂਸ ਸਟੈਪ ਕਰਦੇ ਨਜ਼ਰ ਆਏ। ਉਨ੍ਹਾਂ ਨੂੰ ਦੇਖ ਕੇ ਦਰਸ਼ਕਾਂ ਨੇ ਵੀ ਖੂਬ ਤਾੜੀਆਂ ਵਜਾਈਆਂ।
ਤੀਜੇ ਟੈਸਟ ‘ਚ ਆਸਟ੍ਰੇਲੀਆ ਦੀ ਪਕੜ ਮਜ਼ਬੂਤ ਹੋਈ
ਬਾਰਡਰ-ਗਾਵਸਕਰ ਟਰਾਫੀ 2023 ਦੇ ਪਹਿਲੇ ਦੋ ਮੈਚ ਜਿੱਤ ਕੇ ਇਸ ਚਾਰ ਮੈਚਾਂ ਦੀ ਟੈਸਟ ਸੀਰੀਜ਼ ‘ਚ 2-0 ਦੀ ਬੜ੍ਹਤ ਹਾਸਲ ਕਰਨ ਵਾਲੀ ਟੀਮ ਇੰਡੀਆ ਹੁਣ ਤੀਜੇ ਟੈਸਟ ‘ਚ ਮੁਸ਼ਕਲਾਂ ‘ਚ ਘਿਰਦੀ ਨਜ਼ਰ ਆ ਰਹੀ ਹੈ। ਇੱਥੇ ਭਾਰਤੀ ਟੀਮ ਆਪਣੇ ਹੀ ਜਾਲ ਵਿੱਚ ਫਸ ਗਈ। ਦਰਅਸਲ ਇੰਦੌਰ ‘ਚ ਵੀ ਭਾਰਤੀ ਟੀਮ ਨੇ ਨਾਗਪੁਰ ਅਤੇ ਦਿੱਲੀ ਟੈਸਟ ਦੀ ਤਰ੍ਹਾਂ ਸਪਿਨ ਪਿੱਚ ਤਿਆਰ ਕੀਤੀ ਸੀ ਪਰ ਇੱਥੇ ਆਸਟ੍ਰੇਲੀਆਈ ਸਪਿਨਰਾਂ ਨੇ ਭਾਰਤੀ ਬੱਲੇਬਾਜ਼ਾਂ ਨੂੰ ਗੋਡਿਆਂ ਭਾਰ ਬਿਠਾ ਦਿੱਤਾ।
ਮੈਥਿਊ ਕੁਹਨੇਮਨ, ਨਾਥਨ ਲਾਇਨ ਅਤੇ ਟੌਡ ਮਰਫੀ ਦੀ ਤਿਕੜੀ ਨੇ ਟੀਮ ਇੰਡੀਆ ਦੀ ਪਹਿਲੀ ਪਾਰੀ ਸਿਰਫ 109 ਦੌੜਾਂ ‘ਤੇ ਸਮੇਟ ਦਿੱਤੀ। ਇਸ ਤੋਂ ਬਾਅਦ ਭਾਰਤੀ ਗੇਂਦਬਾਜ਼ੀ ਵੀ ਹੁਣ ਤੱਕ ਕੁਝ ਕਮਾਲ ਨਹੀਂ ਕਰ ਸਕੇ ਹਨ। ਆਸਟ੍ਰੇਲੀਆ ਦੀ ਟੀਮ ਇਸ ਮੈਚ ‘ਚ ਕਾਫੀ ਬੜ੍ਹਤ ਵੱਲ ਵਧ ਰਹੀ ਹੈ।
