ਸਲੇਮਪੁਰੀ ਦੀ ਚੂੰਢੀ –

• ਪੱਥਰ!
  ਮੰਨਿਆ ਕਿ-
  ਜਦੋਂ ਕਿਧਰੇ
  ਔਰਤ ਨਾਲ ਜਬਰ-ਜਨਾਹ ਹੁੰਦੈ,
  ਤਾਂ ਉਸ ਵੇਲੇ
  ਰੱਬ ਅੰਨ੍ਹਾ ਹੋ ਜਾਂਦੈ!
  ਬੋਲਾ ਹੋ ਜਾਂਦੈ!
  ਹੁਣ ਤਾਂ ਹੱਦ ਹੋ ਗਈ!
  ਜਦੋਂ –
  ਸਪੇਨ ਦੀ ਔਰਤ ਨਾਲ
  ਦਰਦਨਾਕ ਕਾਰਾ ਵਾਪਰਿਆ
  ਤਾਂ ਉਹ ਪੱਥਰ ਹੋ ਗਿਆ!
  ਨਿਰਾ ਪੱਥਰ!!
  ਉਂਝ ਕਿਤਾਬਾਂ ‘ਚ ਲਿਖਿਆ ਕਿ –
  ਦੇਸ਼ ਦੀ ਧਰਤੀ ‘ਤੇ
  ਦੇਵੀਆਂ ਪੂਜੀਆਂ ਜਾਂਦੀਆਂ ਨੇ!
  ਤੇ ਫਿਰ ਦੇਵੀਆਂ ਨਾਲ….!
  ਹਾਂ, ਹਾਂ
  ਬਾਬਿਆਂ ਦੀ ਕਥਾ ਸੁਣੀ
  ਤਾਂ ਉਨ੍ਹਾਂ ਦੱਸਿਆ ਕਿ –
  ਰੱਬ ਹਰ ਥਾਂ ਮੌਜੂਦ ਐ!
  ਫਿਰ –
  ਅਬਲਾ ਦੀਆਂ
  ਦਿਲ ਕੰਬਾਊ ਚੀਕਾਂ
  ਰੱਬ ਨੂੰ
  ਕਿਉਂ ਨਹੀਂ ਸੁਣੀਆਂ!
  ਦੱਸੋ ਕਿਉਂ ਨਹੀਂ ਸੁਣੀਆਂ!!

  -ਸੁਖਦੇਵ ਸਲੇਮਪੁਰੀ
  09780620233