ਅੰਮ੍ਰਿਤਸਰ ਵਿਖੇ ਐਨ:ਸੀ:ਸੀ ਕੈਡਿਟਾਂ ਵੱਲੋਂ ਲਗਾਇਆ ਗਿਆ ਸਲਾਨਾ ਸਿਖਲਾਈ ਕੈਂਪ
ਅੰਮ੍ਰਿਤਸਰ, 4 ਜੁਲਾਈ: (ਗੁਰਮੀਤ ਸਿੰਘ ਪੱਟੀ )ਕਮਾਂਡਿੰਗ ਅਫਸਰ ਗਰੁੱਪ ਕਪਤਾਨ ਮਨੋਜ ਕੁਮਾਰ ਵਤਸ ਦੇ ਦਿਸ਼ਾ-ਨਿਰਦੇਸ਼ਾਂ ’ਤੇ ਅਤੇ ਕੈਂਪ ਐਡਜੂਟੈਂਟ ਜੇ.ਡਬਲਿਊ.ਓ. ਰਾਕੇਸ਼ ਸ਼ਰਮਾ ਦੀ ਯੋਗ ਅਗਵਾਈ ਹੇਠ, 2 ਪੰਜਾਬ ਏਅਰ ਸਕੁਆਰਡਰਨ ਐਨ.ਸੀ.ਸੀ. ਅੰਮ੍ਰਿਤਸਰ ਦੇ 470 ਕੈਡਿਟਾਂ ਦਾ ਸਲਾਨਾ ਸਿਖਲਾਈ ਕੈਂਪ 2 ਜੁਲਾਈ 2023 ਨੂੰ ਦਸਮੇਸ਼ ਪਰਿਵਾਰ ਇੰਟਰਨੈਸ਼ਨਲ ਪਬਲਿਕ ਸਕੂਲ, ਏਮਾ ਕਲਾਂ ਵਿਖੇ ਸ਼ੁਰੂ ਹੋਇਆ ਅਤੇ ਇਹ ਕੈਂਪ 11 ਜੁਲਾਈ 2023 ਨੂੰ ਸਮਾਪਤ ਹੋਣ ਜਾ ਰਿਹਾ ਹੈ।
ਇਹ ਕੈਂਪ ਨੈਤਿਕਤਾ ਅਤੇ ਕਦਰਾਂ-ਕੀਮਤਾਂ ਨੂੰ ਪੈਦਾ ਕਰਨ, ਨੌਜਵਾਨਾਂ ਵਿੱਚ ਵੱਖ-ਵੱਖ ਸਮਾਜਿਕ ਮੁੱਦਿਆਂ ਪ੍ਰਤੀ ਜਾਗਰੂਕਤਾ ਪੈਦਾ ਕਰਨ ਅਤੇ ਨੌਜਵਾਨ ਐਨ.ਸੀ.ਸੀ. ਕੈਡਿਟਾਂ ਨੂੰ ਮਿਲਟਰੀ ਐਕਸਪੋਜਰ ਦੇਣ ਦੇ ਉਦੇਸ਼ ਨਾਲ ਲਗਾਇਆ ਜਾ ਰਿਹਾ ਹੈ ਤਾਂ ਜੋ ਉਹ ਭਵਿੱਖ ਵਿੱਚ ਭਾਰਤ ਦੇ ਜਾਗਰੂਕ, ਗਿਆਨਵਾਨ ਅਤੇ ਜ਼ਿੰਮੇਵਾਰ ਨਾਗਰਿਕ ਸਾਬਤ ਹੋ ਸਕਣ। ਉਨ੍ਹਾਂ ਅੱਗੇ ਕਿਹਾ ਕਿ ਕੈਂਪ ਵਿੱਚ ਮੌਜੂਦ ਕੈਡਿਟ, ਪੀ ਸਟਾਫ਼, ਏ.ਐਨ.ਓਜ਼ ਅਤੇ ਹੋਰ ਸਾਰੇ ਲੋਕਾਂ ਦੀ ਸਿਹਤ ਸੰਬੰਧੀ ਸਮੱਸਿਆਵਾਂ ਨੂੰ ਹੱਲ ਕਰਨ ਅਤੇ ਮਾਨਸਿਕ ਸਫਾਈ ਲਈ ਦੱਸਿਆ ਗਿਆ।
ਸ੍ਰੀ ਵਤਸ ਨੇ ਅੱਗੇ ਸਪੱਸ਼ਟ ਕੀਤਾ ਕਿ ਕੈਂਪ ਦੌਰਾਨ ਕੈਡਿਟਾਂ ਲਈ ਵੱਖ-ਵੱਖ ਸਿਖਲਾਈ ਪ੍ਰੋਗਰਾਮ ਜਿਵੇਂ ਕਿ ਰਾਈਫਲ ਫਾਇਰਿੰਗ, ਸਕੀਟ ਸ਼ੂਟਿੰਗ, ਡਰਿੱਲ, ਐਰੋਮੋਡਲਿੰਗ, ਖੇਡਾਂ ਅਤੇ ਸੱਭਿਆਚਾਰਕ ਗਤੀਵਿਧੀਆਂ ਦਾ ਆਯੋਜਨ ਕੀਤਾ ਜਾਵੇਗਾ। ਸਿਖਲਾਈ ਕੈਂਪ ਵਿੱਚ ਮੌਜੂਦ ਕੈਡਿਟਾਂ, ਏ.ਐਨ.ਓਜ਼, ਪੀ.ਆਈ ਸਟਾਫ਼ ਅਤੇ ਹੋਰ ਸਾਰੇ ਲੋਕਾਂ ਲਈ ਆਰਾਮਦਾਇਕ ਰਿਹਾਇਸ਼, ਪਾਣੀ ਅਤੇ ਸੈਨੀਟੇਸ਼ਨ, ਮੈਡੀਕਲ ਸਹੂਲਤਾਂ ਅਤੇ ਪੌਸ਼ਟਿਕ ਭੋਜਨ ਵਰਗੀਆਂ ਬੁਨਿਆਦੀ ਸਹੂਲਤਾਂ ਨੂੰ ਯਕੀਨੀ ਬਣਾਇਆ ਗਿਆ ਹੈ। 1NO ਸੰਜੀਵ ਦੱਤਾ, ਸ੍ਰੀ ਸੌਰਭਦੀਪ, ਬਲਬੀਰ ਸਿੰਘ, ਗਿਰਧਾਰੀ ਲਾਲ, ਅੰਕੁਰ ਪਠਾਨੀਆ, ਰਾਕੇਸ਼ ਕੁਮਾਰ, ਜੇ.ਡਬਲਿਊ.ਓ ਲਕਸ਼ਮਣ ਸਿੰਘ, ਸਾਰਜੈਂਟ ਨਿਤਿਨ ਕੁਮਾਰ, ਰਾਜਕਿਰਨ ਸਿੰਘ, ਆਰ.ਐੱਸ. ਯਾਦਵ, ਸਨੋਜ ਕੁਮਾਰ, ਸੁਨੀਲ ਸਿੰਘ, ਕੋਪਲ ਗੰਗੱਪਾ, ਅਨਿਲ, ਕ੍ਰਿਸ਼ਨ ਰਾਓ, ਮਹੇਸ਼, ਮੈਡਮ ਅਮਰਜੀਤ ਕੌਰ, ਵਰਿੰਦਰ ਕੁਮਾਰ ਆਦਿ ਹਾਜ਼ਰ ਸਨ ।
—–
ਕੈਪਸ਼ਨ —ਐਨ:ਸੀ:ਸੀ ਕੈਡਿਟ ਯੋਗਾ ਦਾ ਅਭਿਆਸ ਕਰਦੇ ਹੋਏ।
