ਪੰਜਾਬ ਸਮੇਤ ਉੱਤਰੀ ਭਾਰਤ ’ਚ ਕਦੋਂ ਸ਼ੁਰੂ ਹੋਵੇਗੀ ਠੰਢ, ਕਿਸ ਦਿਨ ਰਵਾਨਾ ਹੋਵੇਗਾ ਮੌਨਸੂਨ?
ਨਵੀਂ ਦਿੱਲੀ, 22 ਸਤੰਬਰ : ਮਾਨਸੂਨ ਦੇ ਰਵਾਨਗੀ ਦੇ ਸਮੇਂ ਭਾਵੇਂ ਦਿੱਲੀ ਐਨਸੀਆਰ ਦੇ ਲੋਕ ਗਰਮੀ ਮਹਿਸੂਸ ਕਰ ਰਹੇ ਹਨ, ਪਰ ਜਲਦੀ ਹੀ ਉਨ੍ਹਾਂ ਨੂੰ ਇਸ ਤੋਂ ਰਾਹਤ ਮਿਲਣੀ ਸੁਰੂ ਹੋ ਜਾਵੇਗੀ। ਵੱਧ ਤੋਂ ਵੱਧ ਦੋ ਹਫਤਿਆਂ ’ਚ, ਸਵੇਰ ਅਤੇ ਸਾਮ ਨੂੰ ਠੰਡ ਦੇ ਸੰਕੇਤ ਮਹਿਸੂਸ ਕੀਤੇ ਜਾਣਗੇ।
ਮੌਸਮ ਵਿਗਿਆਨੀਆਂ ਅਨੁਸਾਰ ਅਗਲੇ ਪੰਦਰਵਾੜੇ ਦੌਰਾਨ ਭਾਵ ਅਕਤੂਬਰ ਦੇ ਸ਼ੁਰੂ ’ਚ ਤਾਪਮਾਨ ਆਮ ਵਾਂਗ ਰਹਿਣ ਦੀ ਸੰਭਾਵਨਾ ਹੈ, ਜਦੋਂ ਕਿ ਮਹੀਨੇ ਦੇ ਅੱਧ ਤੱਕ ਤਾਪਮਾਨ ਆਮ ਨਾਲੋਂ ਹੇਠਾਂ ਰਹਿਣ ਦੀ ਸੰਭਾਵਨਾ ਹੈ। ਹਾਲਾਂਕਿ, ਇੱਕ ਠੀਕ-ਠਾਕ ਸਰਦੀ ਲਈ, ਅਜੇ ਨਵੰਬਰ ਤਕ ਉਡੀਕ ਕਰਨੀ ਪਵੇਗੀ।
ਭਾਰਤੀ ਮੌਸਮ ਵਿਭਾਗ ਮੁਤਾਬਕ ਮਾਨਸੂਨ ਮੰਗਲਵਾਰ ਤੋਂ ਦੱਖਣ-ਪੱਛਮੀ ਰਾਜਸਥਾਨ ਅਤੇ ਗੁਜਰਾਤ ਦੇ ਕੱਛ ਦੇ ਕੁਝ ਹਿੱਸਿਆਂ ਤੋਂ ਪਿੱਛੇ ਹਟਣਾ ਸ਼ੁਰੂ ਹੋ ਗਿਆ। ਮਾਨਸੂਨ ਇੱਕ-ਦੋ ਦਿਨਾਂ ਵਿੱਚ ਦੱਖਣੀ ਹਰਿਆਣਾ ਅਤੇ ਪੰਜਾਬ ਤੋਂ ਰਵਾਨਾ ਹੋਣਾ ਸ਼ੁਰੂ ਹੋ ਜਾਵੇਗਾ। ਇੱਥੋਂ ਇਸ ਦੀ ਸਾਧਾਰਨ ਮਿਤੀ 17-18 ਸਤੰਬਰ ਹੈ।
ਇਸੇ ਤਰ੍ਹਾਂ 28-29 ਸਤੰਬਰ ਦੇ ਆਸ-ਪਾਸ ਮਾਨਸੂਨ 2022 ਦਿੱਲੀ ਦੇ ਨਾਲ-ਨਾਲ ਐਨਸੀਆਰ ਦੇ ਸਹਿਰਾਂ ਤੋਂ ਰਵਾਨਾ ਹੋਵੇਗਾ। ਇੱਥੇ ਮਾਨਸੂਨ ਦੇ ਜਾਣ ਦੀ ਆਮ ਮਿਤੀ 25 ਸਤੰਬਰ ਹੈ। ਫਿਰ 30 ਤਰੀਕ ਦੇ ਆਸਪਾਸ ਇਹ ਸਾਰੇ ਉੱਤਰੀ ਭਾਰਤ ਤੋਂ ਰਵਾਨਾ ਹੋਵੇਗੀ।
ਧਿਆਨ ਯੋਗ ਹੈ ਕਿ ਪਿਛਲੇ 5 ਸਾਲਾਂ ਦੌਰਾਨ ਦਿੱਲੀ-ਐਨਸੀਆਰ ’ਚ ਰਿਕਾਰਡ ਤੋੜ ਠੰਢ ਪੈ ਰਹੀ ਹੈ, ਅਜਿਹੇ ’ਚ ਮੌਸਮ ਵਿਗਿਆਨੀਆਂ ਦਾ ਅਨੁਮਾਨ ਹੈ ਕਿ ਇਸ ਵਾਰ ਵੀ ਠੰਢ ਪਿਛਲੇ ਕੁਝ ਸਾਲਾਂ ਦੇ ਰਿਕਾਰਡ ਤੋੜ ਸਕਦੀ ਹੈ। ਅਜਿਹੇ ’ਚ ਲੋਕਾਂ ਨੂੰ ਸੁਚੇਤ ਰਹਿਣ ਦੀ ਲੋੜ ਹੈ।
ਫਿਲਹਾਲ ਹਵਾ ਦੀ ਦਿਸ਼ਾ ਉੱਤਰ-ਪੂਰਬ ਵੱਲ ਚੱਲ ਰਹੀ ਹੈ, ਜਿਸ ’ਚ ਗਰਮੀ ਅਤੇ ਨਮੀ ਹੈ ਪਰ ਮਾਨਸੂਨ ਦੇ ਜਾਣ ਤੋਂ ਬਾਅਦ ਹਵਾ ਦੀ ਦਿਸ਼ਾ ਉੱਤਰ-ਪੱਛਮ ਵੱਲ ਹੋ ਜਾਵੇਗੀ। ਇਹ ਜੰਮੂ-ਕਸਮੀਰ ਤੋਂ ਆਵੇਗਾ। ਇਸ ਨਾਲ ਪਹਾੜਾਂ ਦੀ ਠੰਢ ਦਿੱਲੀ ਐੱਨਸੀਆਰ ਤਕ ਵੀ ਪਹੁੰਚਣੀ ਸੁਰੂ ਹੋ ਜਾਵੇਗੀ। ਨਵੰਬਰ ਤੱਕ ਦਿੱਲੀ-ਐੱਨਸੀਆਰ ‘ਚ ਮੱਧਮ ਠੰਢਾ ਰਹਿਣ ਦੀ ਸੰਭਾਵਨਾ ਹੈ।
ਮੌਸਮ ਵਿਗਿਆਨੀਆਂ ਦਾ ਕਹਿਣਾ ਹੈ ਕਿ ਹਵਾ ਦੀ ਦਿਸ਼ਾ ਬਦਲਣ ਨਾਲ ਸਵੇਰ ਅਤੇ ਸਾਮ ਦੇ ਮੌਸਮ ’ਚ ਫਰਕ ਮਹਿਸੂਸ ਹੋਣਾ ਸ਼ੁਰੂ ਹੋ ਜਾਵੇਗਾ। ਇਸ ਤੋਂ ਬਾਅਦ ਅਕਤੂਬਰ ਦੇ ਪਹਿਲੇ ਅੱਧ ਤੋਂ ਵੱਧ ਤੋਂ ਵੱਧ ਅਤੇ ਘੱਟੋ-ਘੱਟ ਤਾਪਮਾਨ ’ਚ ਬਦਲਾਅ ਵੀ ਨਜਰ ਆਉਣਗੇ। ਮੌਜੂਦਾ ਸਮੇਂ ’ਚ ਜੋ ਤਾਪਮਾਨ ਆਮ ਤੋਂ ਉੱਪਰ ਚੱਲ ਰਿਹਾ ਹੈ, ਉਹ ਆਮ ਨਾਲੋਂ ਹੇਠਾਂ ਆ ਜਾਵੇਗਾ। ਇਸ ਨਾਲ ਗਰਮੀ ਦੀ ਬਜਾਏ ਗੁਲਾਬੀ ਠੰਢ ਦਾ ਅਹਿਸਾਸ ਹੋਣਾ ਸੁਰੂ ਹੋ ਜਾਵੇਗਾ।
ਦੱਸ ਦੇਈਏ ਕਿ ਮਾਨਸੂਨ 2020 ਨੇ ਦਿੱਲੀ-ਐੱਨਸੀਆਰ ’ਚ 30 ਜੂਨ ਨੂੰ ਦਸਤਕ ਦਿੱਤੀ ਸੀ। ਇਸ ਨੂੰ 3 ਦਿਨ ਦੀ ਦੇਰੀ ਨਾਲ ਦਿੱਲੀ-ਐਨਸੀਆਰ ਪਹੁੰਚਿਆ ਸੀ, ਇਸ ਦੇ ਪਹੁੰਚਣ ਦੀ ਮਿਤੀ 27 ਜੂਨ ਹੈ। ਮਾਨਸੂਨ ਨੇ ਇਸ ਵਾਰ ਦਿੱਲੀ-ਐੱਨਸੀਆਰ ਨੂੰ ਨਿਰਾਸ ਕੀਤਾ ਹੈ। ਦਿੱਲੀ ’ਚ 50 ਫੀਸਦੀ ਤੋਂ ਘੱਟ ਬਾਰਸ ਹੋਈ ਹੈ। ਕੁੱਲ ਮਿਲਾ ਕੇ ਦਿੱਲੀ ’ਚ ਸੋਕੇ ਵਰਗੀ ਸਥਿਤੀ ਬਣੀ ਹੋਈ ਹੈ। ਇਸ ਨਾਲ ਜਮੀਨੀ ਪੱਧਰ ਵੀ ਪ੍ਰਭਾਵਿਤ ਹੋ ਸਕਦਾ ਹੈ।
