ਜ਼ੀਰਾ/ ਫਿਰੋਜ਼ਪੁਰ, 22 ਫਰਵਰੀ ( ਗੁਰਪ੍ਰੀਤ ਸਿੰਘ ਸਿੱਧੂ ) :- ਮੈ: ਹੰਸ ਰਾਜ ਨਰੇਸ਼ ਕੁਮਾਰ ਜੈਨ,ਸਕਲ ਜ਼ੈਨ ਸਮਾਜ ਵੱਲੋਂ ਭਾਰਤ ਵਿਕਾਸ ਪ੍ਰੀਸ਼ਦ ਜ਼ੀਰਾ ਦੇ ਸਹਿਯੋਗ ਨਾਲ ਸਵ ਸ੍ਰੀ ਮਤੀ ਰੇਖਾ ਜੈਨ ਦੀ ਯਾਦ ਵਿੱਚ ਲਗਾਏ ਗਏ ਅੱਖਾਂ ਦੇ ਮੁਫ਼ਤ ਜਾਂਚ ਕੈਂਪ ਦਾ ਰਸਮੀ ਉਦਘਾਟਨ ਸਕਲ ਜ਼ੈਨ ਸਮਾਜ ਦੇ ਆਗੂਆਂ ਵੀਰ ਜ਼ੈਨ, ਹਰੀਸ਼ ਜ਼ੈਨ ਗੋਗਾ,ਜਨਿੰਦਰ ਜੈਨ ਅਤੇ ਭਾਰਤ ਵਿਕਾਸ ਪ੍ਰੀਸ਼ਦ ਦੇ ਸੂਬਾ ਮੀਤ ਪ੍ਰਧਾਨ ਸਤਿੰਦਰ ਸਚਦੇਵਾ, ਪ੍ਰਧਾਨ ਅਨਿਲ ਬਜਾਜ, ਲੈਕਚਰਾਰ ਨਰਿੰਦਰ ਸਿੰਘ ਨੇ ਆਪਣੇ ਕਰਕਮਲਾਂ ਨਾਲ ਕੀਤੀ। ਇਸ ਮੌਕੇ ਆਏ ਮੁੱਖ ਮਹਿਮਾਨਾਂ ਅਤੇ ਸਮਾਜ ਸੇਵੀ ਆਗੂਆਂ ਦਾ ਸਵ ਸ੍ਰੀ ਮਤੀ ਰੇਖਾ ਜ਼ੈਨ ਦੇ ਪਤੀ ਨਰੇਸ਼ ਕੁਮਾਰ ਜੈਨ ਬੱਲੀ ਅਤੇ ਸਪੁੱਤਰ ਰੋਬਿਨ ਜ਼ੈਨ,ਮੋਹਿਤ ਜ਼ੈਨ, ਰੋਹਿਤ ਜ਼ੈਨ ਤਰੁਣ ਜ਼ੈਨ ਨੇ ਧੰਨਵਾਦ ਕਰਦਿਆਂ ਦੱਸਿਆ ਕਿ ਸਵ: ਸ੍ਰੀ ਮਤੀ ਰੇਖਾ ਜੈਨ ਦੀ ਬਰਸੀ ਮੌਕੇ ਉਨ੍ਹਾਂ ਦੀ ਨਿੱਘੀ ਯਾਦ ਵਿੱਚ ਸਲਾਨਾ ਅੱਖਾਂ ਦਾ ਮੁਫਤ ਚੈੱਕ ਅੱਪ ਕੈਂਪ ਜ਼ੈਨ ਜ਼ਨਾਨਾ ਹਸਪਤਾਲ ਜ਼ੀਰਾ ਵਿਖੇ ਲਗਾਇਆ । ਜਿਸ ਵਿਚ ਸ੍ਰੀ ਗੁਰੂ ਗੋਬਿੰਦ ਸਿੰਘ ਮੈਡੀਕਲ ਕਾਲਜ ਫਰੀਦਕੋਟ ਦੇ ਡਾ ਮਨੀਸ਼ ਧਵਨ (ਐਚ ੳ ਡੀ) ਦੀ ਟੀਮ ਵੱਲੋਂ ਲਗਭਗ 150 ਮਰੀਜ਼ਾਂ ਦਾ ਚੈੱਕਅੱਪ ਕੀਤਾ ਗਿਆ ਅਤੇ ਉਨ੍ਹਾਂ ਨੂੰ ਮੁਫ਼ਤ ਦਵਾਈਆਂ ਦਿੱਤੀਆਂ ਗਈਆਂ ਉਥੇ 20 ਮਰੀਜ਼ਾਂ ਦਾ ਅਪ੍ਰੇਸ਼ਨ ਕੀਤਾ ਗਿਆ ਅਤੇ ਉਨ੍ਹਾਂ ਨੂੰ ਲੋੜੀਂਦੀਆਂ ਮੁਫ਼ਤ ਦਵਾਈਆਂ ਦਿੱਤੀਆਂ ਗਈਆਂ। ਇਸ ਮੌਕੇ ਕੈਂਪ ਵਿੱਚ ਐਡਵੋਕੇਟ ਵਿਨੋਦ ਕੁਮਾਰ ਸੂਦ, ਪ੍ਰਦੀਪ ਜ਼ੈਨ,ਸੰਜੀਵ ਜ਼ੈਨ, ਮੋਨਾ ਜ਼ੈਨ, ਰਮੇਸ਼ ਜੈਨ ਫਿਰੋਜਪੁਰ, ਸੰਚਿਤ ਜ਼ੈਨ,ਪ੍ਰੀਆ ਜ਼ੈਨ,ਹੰਸ ਰਾਜ ਜ਼ੈਨ, ਰਜਨੀਸ਼ ਜ਼ੈਨ ਕਾਲਾ,ਜਤਿਨ ਜਿੰਦਾਲ ਆਦਿ ਸ਼ਕਲ ਜ਼ੈਨ ਸਮਾਜ ਦੇ ਮੈਂਬਰ ਹਾਜ਼ਰ ਸਨ।
143