ਫਗਵਾੜਾ 12 ਜੂਨ (ਸ਼ਿਵ ਕੋੜਾ) ਧੰਨ ਧੰਨ ਬਾਬਾ ਬਿੱਕਰ ਦਾਸ ਜੀ ਮੈਹਿਮੀ ਦੇ ਦਰਬਾਰ ਪਿੰਡ ਮੇਹਟਾਂ ਤਹਿਸੀਲ ਫਗਵਾੜਾ ਵਿਖੇ ਸਲਾਨਾ ਜੋੜ ਮੇਲਾ ਸ੍ਰੀ ਦੌਲਤ ਰਾਮ ਮੈਹਿਮੀ ਅਤੇ ਅਮਰਜੀਤ ਮੈਹਿਮੀ ਦੇ ਪਰਿਵਾਰ ਵਲੋਂ 18 ਜੂਨ ਦਿਨ ਐਤਵਾਰ ਨੂੰ ਸਮੂਹ ਗ੍ਰਾਮ ਪੰਚਾਇਤ ਅਤੇ ਨਗਰ ਨਿਵਾਸੀਆਂ ਦੇ ਸਹਿਯੋਗ ਨਾਲ ਸ਼ਰਧਾ ਤੇ ਉਤਸ਼ਾਹ ਪੂਰਵਕ ਕਰਵਾਇਆ ਜਾ ਰਿਹਾ ਹੈ। ਇਸ ਸਬੰਧੀ ਵਧੇਰੇ ਜਾਣਕਾਰੀ ਦਿੰਦਿਆਂ ਸਰਪੰਚ ਸੁਰਿੰਦਰ ਪਾਲ ਅਤੇ ਪੰਚਾਇਤ ਮੈਂਬਰ ਹਰੀ ਕਿ੍ਰਸ਼ਨ ਨੇ ਦੱਸਿਆ ਕਿ ਦੁਪਿਹਰ 12 ਵਜੇ ਝੰਡੇ ਦੀ ਰਸਮ ਉਪਰੰਤ ਸਰਬੱਤ ਦੇ ਭਲੇ ਅਤੇ ਸੁੱਖ ਸ਼ਾਂਤੀ ਦੀ ਅਰਦਾਸ ਹੋਵੇਗੀ। ਜਿਸ ਤੋਂ ਬਾਅਦ ਧਾਰਮਿਕ ਸਟੇਜ ਸਜਾਈ ਜਾਵੇਗੀ। ਜਿਸ ਵਿੱਚ ਬਾਲੀਵੁਡ ਸਿੰਗਰ ਫਿਰੌਜ ਖਾਨ, ਪ੍ਰਸਿੱਧ ਗਾਇਕ ਜੀ ਖਾਨ ਤੋਂ ਇਲਾਵਾ ਪੰਜਾਬ ਦੀ ਸ਼ਾਨ ਗੁਰਦਾਸ ਮਾਨ ਧਾਰਮਿਕ ਗੀਤਾਂ ਰਾਹੀਂ ਭਰਪੂਰ ਹਾਜਰੀ ਲਗਵਾਉਣਗੇ। ਚਾਹ ਪਕੌੜੇ ਅਤੇ ਬਾਬਾ ਜੀ ਦਾ ਲੰਗਰ ਅਤੁੱਟ ਵਰਤਾਇਆ ਜਾਵੇਗਾ। ਪ੍ਰਬੰਧਕਾਂ ਨੇ ਦੱਸਿਆ ਕਿ ਇਸ ਸਲਾਨਾ ਜੋੜ ਮੇਲੇ ‘ਚ ਅਮਰਜੀਤ ਮੈਹਿਮੀ ਇਟਲੀ ਅਤੇ ਉਹਨਾਂ ਦੇ ਪਰਿਵਾਰ ਦਾ ਵਿਸ਼ੇਸ਼ ਸਹਿਯੋਗ ਹੈ ਜਿਹਨਾਂ ਨੇ ਇਸ ਦਰਬਾਰ ਤੋਂ ਪੁੱਤਰ ਦੀ ਦਾਤ ਮੰਗੀ ਸੀ ਅਤੇ ਬਾਬਾ ਬਿੱਕਰ ਦਾਸ ਜੀ ਦੀ ਮਿਹਰ ਸਦਕਾ ਉਹਨਾਂ ਦੀ ਮੁਰਾਦ ਪੂਰੀ ਹੋਈ ਹੈ। ਇਸ ਮੌਕੇ ਦਾਨਵੀਰ ਮੈਹਿਮੀ, ਸਾਹਿਲ ਗਿੱਲ, ਕਰਨ ਮੈਹਿਮੀ, ਰਵਿੰਦਰ ਮਾਹੀ, ਸੁੱਚਾ ਗਿੱਲ, ਪਾਲ ਰਾਮ ਛੋਕਰਾਂ, ਕਮਲੇਸ਼ ਕੁਮਾਰ, ਹਰਜਿੰਦਰ ਸਿੰਘ ਆਦਿ ਹਾਜਰ ਸਨ।
ਫਗਵਾੜਾ 12 ਜੂਨ (ਸ਼ਿਵ ਕੋੜਾ) ਪੀਰ ਬਾਬਾ ਰੋਡੇ ਸ਼ਾਹ ਜੀ ਪਿੰਡ ਰਾਵਲਪਿੰਡੀ ਤਹਿਸੀਲ ਫਗਵਾੜਾ ਵਿਖੇ ਸਲਾਨਾ ਜੋੜ ਮੇਲਾ ਸੇਵਾਦਾਰ ਸਾਂਈ ਬੱਗੇ ਸ਼ਾਹ ਦੀ ਅਗਵਾਈ ਹੇਠ ਸਮੂਹ ਇਲਾਕਾ ਨਿਵਾਸੀਆਂ ਦੇ ਸਹਿਯੋਗ ਸਦਕਾ ਬੜੀ ਸ਼ਰਧਾ ਤੇ ਉਤਸ਼ਾਹ ਨਾਲ ਕਰਵਾਇਆ ਗਿਆ। ਤਿੰਨ ਰੋਜਾ ਸਮਾਗਮ ਦੇ ਪਹਿਲੇ ਦਿਨ ਸ਼ਾਮ ਨੂੰ ਮਹਿੰਦੀ ਰਸਮ ਉਪਰੰਤ ਦੂਸਰੇ ਦਿਨ ਝੰਡੇ, ਚਾਦਰ ਤੇ ਚਰਾਗ਼ ਦੀ ਰਸਮ ਉਪਰੰਤ ਸਾਂਈ ਬੱਗੇ ਸ਼ਾਹ ਨੇ ਸਰਬੱਤ ਦੇ ਭਲੇ ਦੀ ਅਰਦਾਸ ਕੀਤੀ। ਤੀਸਰੇ ਤੇ ਆਖਰੀ ਦਿਨ ਮਹਿਫ਼ਿਲ-ਏ-ਕੱਵਾਲ ਅਤੇ ਨਕਲਾਂ ਦਾ ਰੰਗਾਰੰਗ ਪ੍ਰੋਗਰਾਮ ਕਰਵਾਇਆ ਗਿਆ। ਸਾਂਈ ਬੱਗੇ ਸ਼ਾਹ ਨੇ ਸਮੂਹ ਸੰਗਤਾਂ ਨੂੰ ਸਲਾਨਾ ਜੋੜ ਮੇਲੇ ਦੀ ਵਧਾਈ ਦਿੰਦਿਆਂ ਕਿਹਾ ਕਿ ਪੀਰ ਬਾਬਾ ਰੋਡੇ ਸ਼ਾਹ ਜੀ ਨੇ ਆਪਣੀ ਸਾਰੀ ਜਿੰਦਗੀ ਪ੍ਰਮਾਤਮਾ ਦੀ ਬੰਦਗੀ ਕਰਨ ਵਿੱਚ ਵਤੀਤ ਕੀਤੀ। ਸਾਨੂੰ ਉਹਨਾਂ ਦੇ ਦਰਸਾਏ ਮਾਰਗ ਤੇ ਚੱਲਣਾ ਚਾਹੀਦਾ ਹੈ। ਠੰਡੇ ਮਿੱਠੇ ਜਲ, ਚਾਹ ਪਕੌੜੇ, ਜਲੇਬੀਆਂ ਅਤੇ ਲੰਗਰ ਦੀ ਸੇਵਾ ਅਤੁੱਟ ਵਰਤਾਈ ਗਈ। ਇਸ ਮੌਕੇ ਸਾਹਿਲ, ਪਵਨ ਕੁਮਾਰ, ਲਵਪ੍ਰੀਤ, ਬਲਜਿੰਦਰ, ਹਰਪ੍ਰੀਤ, ਨਵਦੀਪ, ਮਨਪ੍ਰੀਤ, ਨਿਰਮਲਜੀਤ, ਸੁਲਿੰਦਰ, ਲਾਡੀ, ਹੈੱਪੀ, ਗੋਪੀ, ਸ਼ਾਮ, ਤਾਰਾ, ਡਾ. ਸੁਖਵਿੰਦਰ, ਸਪਨ, ਵਿੱਕੀ ਕੈਨੇਡੀਅਨ, ਸ਼ਸ਼ੀ ਕੁਮਾਰ, ਗੁਰਪ੍ਰੀਤ, ਮੰਗੀ, ਬੀਬੀ ਬਚਨੀ, ਜਸਪਾਲ ਸਿੰਘ, ਸੋਮਨਾਥ, ਹਰਜੋਤ, ਸੁਖਵਿੰਦਰ ਲਾਲ, ਪਵਨ, ਹੇਮਾ ਅਤੇ ਮੰਨਾ ਆਦਿ ਹਾਜਰ ਸਨ।
