ਜੇ ਇਮਰਾਨ ਖਾਨ ਇਸਲਾਮਾਬਾਦ ’ਚ ਮਾਰਚ ਕੱਢਦੇ ਹਨ ਤਾਂ ਸਰਕਾਰ ਉਨ੍ਹਾਂ ਨੂੰ ਉਲਟਾ ਲਟਕਾ ਦੇਵੇਗੀ : ਪਾਕਿਸਤਾਨ ਗ੍ਰਹਿ ਮੰਤਰੀ
ਇਸਲਾਮਾਬਾਦ, 14 ਅਕਤੂਬਰ : ਪਾਕਿਸਤਾਨ ਦੇ ਗ੍ਰਹਿ ਮੰਤਰੀ ਰਾਣਾ ਸਨਾਉੱਲ੍ਹਾ ਖਾਨ ਨੇ ਸਾਬਕਾ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਨੂੰ ਖੁੱਲ੍ਹ ਕੇ ਚਿਤਾਵਨੀ ਦਿੱਤੀ ਹੈ। ਉਨ੍ਹਾਂ ਕਿਹਾ ਕਿ ਪਾਕਿਸਤਾਨ ਸਰਕਾਰ ਇਮਰਾਨ ਖਾਨ ਨੂੰ ਇਸਲਾਮਾਬਾਦ ’ਚ ਮਾਰਚ ਕਰਨ ‘ਤੇ ਉਲਟਾ ਲਟਕਾ ਦੇਵੇਗੀ। ਪਾਕਿਸਤਾਨ ਦੇ ਜੀਓ ਨਿਊਜ ਨੇ ਗ੍ਰਹਿ ਮੰਤਰੀ ਦੇ ਹਵਾਲੇ ਨਾਲ ਕਿਹਾ ਕਿ ਇਮਰਾਨ ਖਾਨ ਨੂੰ ਨਹੀਂ ਪਤਾ ਕਿ ਸਰਕਾਰ ਇਸ ਵਾਰ ਉਨ੍ਹਾਂ ਨਾਲ ਕੀ ਕਰਨ ਦੀ ਯੋਜਨਾ ਬਣਾ ਰਹੀ ਹੈ।
ਪਾਕਿਸਤਾਨ ਦੇ ਗ੍ਰਹਿ ਮੰਤਰੀ ਨੇ ਇਸ ਗੱਲ ’ਤੇ ਵੀ ਜੋਰ ਦਿੱਤਾ ਕਿ ਸਰਕਾਰ ਦੋਸੀ ਭੀੜ ਦੇ ਸਾਹਮਣੇ ਕਿਸੇ ਦੀ ਜਾਨ ਦੀ ਸੁਰੱਖਿਆ ਦੀ ਗਰੰਟੀ ਨਹੀਂ ਦੇ ਸਕਦੀ।
ਮੰਤਰੀ ਸਨਾਉੱਲਾ ਨੇ ਪੁੱਛਿਆ ਕਿ ਜਦੋਂ ਹਥਿਆਰਬੰਦ ਅਤੇ ਚਾਰਜਸੀਟ ਭੀੜ ਰਾਜਧਾਨੀ ’ਤੇ ਹਮਲਾ ਕਰਦੀ ਹੈ ਤਾਂ ਸਰਕਾਰ ਕਿਸੇ ਦੀ ਜਾਨ ਦੀ ਸੁਰੱਖਿਆ ਦੀ ਗਾਰੰਟੀ ਕਿਵੇਂ ਦੇ ਸਕੇਗੀ? ਜੀਓ ਨਿਊਜ ਦੀ ਰਿਪੋਰਟ ਮੁਤਾਬਕ ਰਾਣਾ ਸਨਾਉੱਲਾ ਨੇ ਚਿਤਾਵਨੀ ਦਿੱਤੀ ਕਿ ਭੀੜ ’ਚ ਕੋਈ ਵੀ ਵਿਅਕਤੀ ਕੁਝ ਵੀ ਕਰ ਸਕਦਾ ਹੈ।
ਹਾਲਾਂਕਿ, ਸਰਕਾਰ ਨੇ ਪਾਕਿਸਤਾਨ ਤਹਿਰੀਕ-ਏ-ਇਨਸਾਫ (ਪੀਟੀਆਈ) ਦੇ ਲਾਂਗ ਮਾਰਚ ਨਾਲ ਨਜਿੱਠਣ ਦੀ ਰਣਨੀਤੀ ਦਾ ਖੁਲਾਸਾ ਕਰਨਾ ਹੈ। ਰਾਣਾ ਸਨਾਉੱਲਾ ਦੀ ਇਹ ਟਿੱਪਣੀ ਇਮਰਾਨ ਖਾਨ ਦੇ ਗ੍ਰਹਿ ਮੰਤਰੀ ’ਤੇ ਨਿਸ਼ਾਨਾ ਸਾਧਣ ਤੋਂ ਬਾਅਦ ਆਈ ਹੈ ਅਤੇ ਕਿਹਾ ਹੈ ਕਿ ਪੀਟੀਆਈ ਉਨ੍ਹਾਂ ਦੇ ਅਗਲੇ ਕਦਮ ਨਾਲ ਉਨ੍ਹਾਂ ਨੂੰ ਹੈਰਾਨ ਕਰ ਦੇਵੇਗੀ।
ਇਸ ਦੇ ਨਾਲ ਹੀ ਪੰਜਾਬ ਦੇ ਮੁੱਖ ਮੰਤਰੀ ਦੇ ਸਲਾਹਕਾਰ ਉਮਰ ਸਰਫਰਾਜ ਚੀਮਾ ਨੇ ਕਿਹਾ ਕਿ ਜੇਕਰ ਗ੍ਰਹਿ ਮੰਤਰੀ ਪੰਜਾਬ ’ਚ ਦਾਖਲ ਹੁੰਦੇ ਹਨ ਤਾਂ ਉਨ੍ਹਾਂ ਨੂੰ ਗਿ੍ਰਫਤਾਰ ਕਰ ਲਿਆ ਜਾਵੇਗਾ।
ਉਨ੍ਹਾਂ ਕਿਹਾ ਕਿ ਪੰਜਾਬ ਦੀ ਭਿ੍ਰਸਟਾਚਾਰ ਰੋਕੂ ਸੰਸਥਾ (ਏਸੀਈ) ਨੇ ਮੰਤਰੀ ਵਿਰੁੱਧ ਗੈਰ-ਜਮਾਨਤੀ ਵਾਰੰਟ ਪ੍ਰਾਪਤ ਕੀਤਾ ਹੈ। ਗਿ੍ਰਫਤਾਰੀ ਵਾਰੰਟ 19 ਅਕਤੂਬਰ ਤੱਕ ਲਾਗੂ ਹੈ। ਚੀਮਾ ਨੇ ਆਈਜੀਪੀ ਨੂੰ ਜਮੀਨ ਗ੍ਰਹਿਣ ਮਾਮਲੇ ’ਚ ਰਾਣਾ ਸਨਾਉੱਲਾ ਦੀ ਗਿ੍ਰਫਤਾਰੀ ਲਈ ਏਸੀਈ ਪੰਜਾਬ ਨੂੰ ਸਹਾਇਤਾ ਮੁਹੱਈਆ ਕਰਵਾਉਣ ਦੇ ਨਿਰਦੇਸ਼ ਦਿੱਤੇ ਹਨ। ਉਨ੍ਹਾਂ ਰਾਣਾ ਨੂੰ ਕਾਨੂੰਨ ਅਨੁਸਾਰ ਗਿ੍ਰਫਤਾਰ ਕਰਨ ਦੇ ਵੀ ਨਿਰਦੇਸ਼ ਦਿੱਤੇ ਹਨ।
