ਜੀਰਾ 28 ਮਈ 2024( ਰਾਖਾ ਪ੍ਰਭ ਬਿਉਰੋ
ਸੀ ਆਈ ਐਸ ਸੀ ਈ ਜੋਨਲ ਸਕੇਟਿੰਗ ਮੁਕਾਬਲੇ ਬੀਤੇ ਦਿਨੀ ਗੋਬਿੰਦ ਇੰਟਰਨੈਸ਼ਨਲ ਸਕੂਲ ਭਦੌੜ ਵਿੱਚ ਕਰਵਾਏ ਗਏ ।ਮੋਗਾ ਜੋਨ ਦੇ ਵੱਖ ਵੱਖ ਸਕੂਲਾਂ ਦੇ ਲਗਭਗ 200 ਲੜਕਿਆਂ ਅਤੇ ਲੜਕੀਆਂ ਨੇ ਅੰਡਰ 14 ਅੰਡਰ 17 ਤੇ ਅੰਡਰ 19 ਵਰਗ਼ ਦੇ ਮੁਕਾਬਲਿਆਂ ਵਿੱਚ ਹਿੱਸਾ ਲਿਆ।
ਇਸ ਮੁਕਾਬਲੇ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਐਮਬਰੋਜ਼ੀਅਲ ਪਬਲਿਕ ਸਕੂਲ ਦੇ ਲੜਕਿਆਂ ਹਰਮਨਦੀਪ ਸਿੰਘ ਅਤੇ ਗੁਰਕੀਰਤ ਸਿੰਘ ਨੇ ਸ਼ਾਨਦਾਰ ਖੇਡ ਦਾ ਪ੍ਰਦਰਸ਼ਨ ਕਰਦੇ ਹੋਏ ਅੰਡਰ 14 ਵਰਗ਼ ਮੁਕਾਬਲੇ ਵਿੱਚ ਦੂਸਰਾ ਸਥਾਨ ਅਤੇ ਜਿਗਰ ਸਿੰਘ ਰਣਬੀਰ ਸਿੰਘ ਅਤੇ ਪ੍ਰਥਮ ਨੇ ਅੰਡਰ 19 ਮੁਕਾਬਲੇ ਵਿੱਚ ਤੀਸਰਾ ਸਥਾਨ ਪ੍ਰਾਪਤ ਕੀਤਾ। ਲੜਕੀਆਂ ਦੇ ਮੁਕਾਬਲੇ ਵਿੱਚ ਨਵਜੋਤ ਕੌਰ ਜੈਸਮੀਨ ਕੌਰ ਅਤੇ ਪਲਕ ਨੇ ਪਹਿਲਾ ਸਥਾਨ ਪ੍ਰਾਪਤ ਕੀਤਾ ।ਨਵਜੋਤ ਕੌਰ ਅਤੇ ਪਲਕ ਹੁਣ ਮੋਗਾ ਜੋਨ ਦੀ ਤਰਫ ਤੋਂ ਰੀਜਨਲ ਸਕੇਟਿੰਗ ਚੈਂਪੀਅਨਸ਼ਿਪ ਵਿੱਚ ਹਿੱਸਾ ਲੈਣਗੀਆਂ।
ਸਕੂਲ ਪਹੁੰਚਣ ਤੇ ਸਕੂਲ ਦੇ ਚੇਅਰਮੈਨ ਸਰਦਾਰ ਸਤਨਾਮ ਸਿੰਘ ਬੁੱਟਰ ਪ੍ਰਿੰਸੀਪਲ ਸ਼੍ਰੀ ਤੇਜ ਸਿੰਘ ਠਾਕੁਰ ਅਤੇ ਸਮੂਹ ਸਟਾਫ ਨੇ ਸਾਰੇ ਖਿਡਾਰੀਆ ਅਤੇ ਉਹਨਾਂ ਦੇ ਕੋਚ ਧਰਮਿੰਦਰ ਸਿੰਘ ਨੂੰ ਵਧਾਈ ਦਿੱਤੀ ਅਤੇ ਕਾਮਨਾ ਕੀਤੀ ਕਿ ਬੱਚੇ ਆਪਣੇ ਕੋਚ ਦੀ ਰਹਿਨੁਮਾਈ ਹੇਠ ਭਵਿੱਖ ਵਿੱਚ ਵੀ ਇਸੇ ਤਰ੍ਹਾਂ ਦਾ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਆਪਣੇ ਸਕੂਲ ਤੇ ਆਪਣੇ ਮਾਪਿਆਂ ਦਾ ਨਾਮ ਰੌਸ਼ਨ ਕਰਦੇ ਰਹਿਣਗੇ। ਇਸ ਮੌਕੇ ਤੇ ਕੁਆਰਡੀਨੇਟਰ ਮਿਸਿਜ਼ ਰੀਨਾ ਠਾਕੁਰ , ਸ਼੍ਰੀ ਸੁਰਿੰਦਰ ਕਟੋਚ , ਸ਼੍ਰੀ ਦੀਪਕ ਸੇਖੜੀ ਅਤੇ ਮਿਸਿਜ਼ ਅਨੁਪਮਾ ਠਾਕਰ , ਡੀ ਪੀ ਸੰਜੇ ਭਾਰਦਵਾਜ ,ਅਸ਼ਵਨੀ ਕੁਮਾਰ, ਰੇਨੂੰਕਾ ਠਾਕੁਰ ਅਤੇ ਸੁਨੀਲ ਕੁਮਾਰ ਵੀ ਮੌਜੂਦ ਸਨ।
