ਅੰਮ੍ਰਿਤਸਰ, 4 ਜੂਨ ( ਰਣਜੀਤ ਸਿੰਘ ਮਸੌਣ )
ਭਾਈ ਗੁਰਇਕਬਾਲ ਸਿੰਘ ਅਤੇ ਭਾਈ ਅਮਨਦੀਪ ਸਿੰਘ ਦੀ ਸਰਪ੍ਰਸਤੀ ਹੇਠ ਚੱਲ ਰਹੇ ਸੀ.ਬੀ.ਐਸ.ਈ. ਤੋਂ ਮਾਨਤਾ ਪ੍ਰਾਪਤ ਇਲਾਕੇ ਦਾ ਮੋਹਰੀ ਨਾਮਵਰ ਵਿੱਦਿਅਕ ਅਦਾਰਾ ਦਾਤਾ ਬੰਦੀ ਛੋੜ ਪਬਲਿਕ ਸਕੂਲ ਅੱਡਾ ਬਾਉਲੀ, ਰਾਮ ਤੀਰਥ ਰੋਡ ਵਿਖੇ ਪ੍ਰਿੰਸੀਪਲ ਆਰਤੀ ਸੂਦ ਦੀ ਯੋਗ ਅਗਵਾਈ ਹੇਠ ਅਧਿਆਪਕਾਂ ਦਾ ਸਮਰੱਥਾ ਨਿਰਮਾਣ ਸੈਸ਼ਨ ਆਯੋਜਨ ਕੀਤਾ ਗਿਆ। ਸੈਸ਼ਨ ਵਿੱਚ ਸਕੂਲ ਦੇ ਅਧਿਆਪਕਾਂ ਦੁਆਰਾ ਅੱਗੇ ਵਧਣ ਲਈ ਇੰਟਰਐਕਟਿਵ ਡੈਮੋ ਸੈਸ਼ਨ ਕੀਤਾ ਗਿਆ। ਈ.ਸੀ.ਸੀ.ਈ. ਪ੍ਰੋਗਰਾਮ ਦੇ ਤਹਿਤ ਅਧਿਆਪਕਾਂ ਨੇ ਬਿਨਾਂ ਕਿਸੇ ਲਾਗਤ ਮੁੱਲ ਦੇ ਟੀਚਿੰਗ ਏਜ਼ਡ ਬਣਾਏ। ਇਸ ਨਾਲ ਹੀ ਨਿਊ ਐਜੂਕੇਸ਼ਨ ਪੋਲਿਸੀ 2020 ਦੇ ਤਹਿਤ ਸੈਸ਼ਨ ਲਿਆ ਗਿਆ। ਜਿਸ ਦਾ ਮੁੱਖ ਮਕਸਦ ਮੌਜ਼ੂਦਾ ਇਮਤਿਹਾਨ ਪ੍ਰਕਿਰਿਆ ਨੂੰ ਸੁਧਾਰਨ ਲਈ, ਸ਼ੁਰੂਆਤੀ ਪੜਾਅ ਤੇ ਬਚਪਨ ਦੀ ਦੇਖਭਾਲ ਅਤੇ ਸਿੱਖਿਆਂ ਪ੍ਰਣਾਲੀ ਵਿੱਚ ਰੈਗੂਲੇਟਰੀ ਫਰੇਮਵਰਕ ਨੀਤੀਆਂ ਨੂੰ ਮੁੜ ਤਿਆਰ ਕਰਨਾ ਹੈ। ਕਲਾਸ ਰੂਮ ਵਿੱਚ ਰਚਨਾਤਮਕ ਕਲਾਂ ਸਿੱਖਣ ਨੂੰ ਸ਼ਾਮਲ ਕਰਨ ਲਈ ਅਨੁਭਵੀ ਸਿਖ਼ਲਾਈ ਤੇ ਸੈਮੀਨਾਰ ਕਰਵਾਇਆਂ ਗਿਆ। ਪ੍ਰਿੰਸੀਪਲ ਆਰਤੀ ਸੂਦ ਨੇ ਸਾਰੇ ਸਟਾਫ਼ ਨੂੰ ਸੈਮੀਨਾਰ ਸਫ਼ਲਤਾਪੂਰਵਕ ਕਰਵਾਉਣ ਤੇ ਖੁਸ਼ੀ ਪ੍ਰਗਟਾਈ। ਇਸ ਮੌਕੇ ਸਮੂਹ ਟੀਚਿੰਗ ਸਟਾਫ਼ ਅਤੇ ਐਡਮਿਨ ਸਟਾਫ਼ ਹਾਜ਼ਰ ਸੀ ।
ਕੈਪਸ਼ਨ :
ਦਾਤਾ ਬੰਦੀ ਛੋੜ ਪਬਲਿਕ ਸਕੂਲ ਅੱਡਾ ਬਾਉਲੀ, ਰਾਮ ਤੀਰਥ ਰੋਡ ਵਿਖੇ ਕਰਵਾਏ ਗਏ ਸਮਰੱਥਾ ਨਿਰਮਾਣ ਸੈਸ਼ਨ ਸਮੇਂ ਹਾਜ਼ਰ ਅਧਿਆਪਕ ।
