MCD ਚੋਣਾਂ ‘ਚ ਸ਼ਬਦੀ ਜੰਗ ਤੇਜ਼, ਮਨੋਜ ਤਿਵਾਰੀ ਦੇ ਬਿਆਨ ‘ਤੇ ਬੋਲੇ ਕੇਜਰੀਵਾਲ –

Delhi MCD Elections : ਦਿੱਲੀ ਨਗਰ ਨਿਗਮ (ਐੱਮ.ਸੀ.ਡੀ.) ਚੋਣਾਂ ‘ਚ ਤਿੰਨ ਦਿਨ ਬਾਕੀ ਹਨ ਅਤੇ ਅਜਿਹੇ ‘ਚ ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਅਤੇ ਆਮ ਆਦਮੀ ਪਾਰਟੀ (ਆਪ) ਵਿਚਾਲੇ ਸ਼ਬਦੀ ਜੰਗ ਜ਼ੋਰਾਂ ‘ਤੇ ਹੈ। ਮੰਗਲਵਾਰ 29 ਨਵੰਬਰ ਨੂੰ ਦਿੱਲੀ ਦੇ ਮੁੱਖ ਮੰਤਰੀ ਅਤੇ ‘ਆਪ’ ਦੇ ਕੌਮੀ ਕਨਵੀਨਰ ਅਰਵਿੰਦ ਕੇਜਰੀਵਾਲ ਨੇ ‘ਏਬੀਪੀ ਨਿਊਜ਼’ ਨਾਲ ਵਿਸ਼ੇਸ਼ ਗੱਲਬਾਤ ਕਰਦਿਆਂ ਕਿਹਾ ਕਿ ਅਸੀਂ ਕੰਮ ਦੀ ਗੱਲ ਕਰਦੇ ਹਾਂ ਤੇ ਉਹ ਅੱਖ ਫੋੜਨ ਦੀ ਗੱਲ ਕਰਦੇ ਹਨ।
ਦਰਅਸਲ, ਭਾਰਤੀ ਜਨਤਾ ਪਾਰਟੀ ਦੇ ਨੇਤਾ ਮਨੋਜ ਤਿਵਾਰੀ ਨੇ ਏਬੀਪੀ ਨਿਊਜ਼ ‘ਤੇ ਸੀਐਮ ਕੇਜਰੀਵਾਲ ਬਾਰੇ ਅੱਖ ਫੋੜਨ ਵਾਲਾ ਬਿਆਨ ਦਿੱਤਾ ਸੀ। ਏਬੀਪੀ ਨਿਊਜ਼ ਨੇ ਮਨੋਜ ਤਿਵਾਰੀ ਦੇ ਇਸ ਬਿਆਨ ‘ਤੇ ਮੁੱਖ ਮੰਤਰੀ ਕੇਜਰੀਵਾਲ ਨੂੰ ਸਵਾਲ ਕੀਤਾ, ਜਿਸ ਦੇ ਜਵਾਬ ‘ਚ ਉਨ੍ਹਾਂ ਕਿਹਾ ਕਿ ਇਹ ਉਨ੍ਹਾਂ ਵੱਲੋਂ ਦਿੱਤਾ ਗਿਆ ਬਹੁਤ ਹੀ ਗੰਦਾ ਬਿਆਨ ਸੀ। ਉਸਨੇ ਕਿਹਾ, ਮੈਂ ਕੰਮ ਕਰਨ ਦੀ ਗੱਲ ਕਰਦਾ ਹਾਂ … ਉਹ ਕਹਿੰਦੇ ਹਨ ਕਿ ਮੇਰੀ ਅੱਖ ਫੋੜ ਦੇਣਗੇ, ਲੱਤਾਂ ਤੋੜ ਦੇਣਗੇ। ਇਸ ਗਾਲੀ ਗਲੋਚ ਨਾਲ ਕੁਝ ਨਹੀਂ ਹੋਵੇਗਾ।
ਮਨੋਜ ਤਿਵਾੜੀ ਦਾ ਬਿਆਨ…
ਮਨੋਜ ਤਿਵਾਰੀ ਨੇ ਕਿਹਾ ਸੀ ਕਿ ਮੁੱਖ ਮੰਤਰੀ ਕੇਜਰੀਵਾਲ ਦੀ ਕੋਈ ਵੀ ਅੱਖ ਫੋੜ ਸਕਦਾ ਹੈ, ਲੱਤਾਂ ਤੋੜ ਸਕਦਾ ਹੈ। ਮੈਂ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਤੋਂ ਮੁੱਖ ਮੰਤਰੀ ਕੇਜਰੀਵਾਲ ਨੂੰ ਸੁਰੱਖਿਆ ਦੇਣ ਦੀ ਮੰਗ ਕਰਦਾ ਹਾਂ। ਉਨ੍ਹਾਂ ਨੂੰ ਕਿਤੇ ਵੀ ਕੋਈ ਵੀ ਪਿੱਟ ਸਕਦਾ ਹੈ।