ਸਭ ਤੋਂ ਪਹਿਲਾਂ ਇਨ੍ਹਾਂ ਵ੍ਹੀਕਲਾਂ ਨੂੰ ਰੋਕਦੀ ਹੈ ਪੁਲਿਸ, ਫੜਦੇ ਹੀ ਕੱਟ ਦਿੰਦੀ ਹੈ ਭਾਰੀ ਚਲਾਨ
ਨਵੀਂ ਦਿੱਲੀ, 16 ਅਕਤੂਬਰ : ਇਨ੍ਹੀਂ ਦਿਨੀਂ ਟ੍ਰੈਫਿਕ ਪੁਲਿਸ ਕਾਫੀ ਸਖਤ ਹੋ ਗਈ ਹੈ। ਜਿੱਥੇ ਟ੍ਰੈਫਿਕ ਨਿਯਮਾਂ ਦੀ ਉਲੰਘਣਾ ਕਰਨ ਵਾਲਿਆਂ ਦੇ ਚਲਾਨ ਕੱਟੇ ਜਾ ਰਹੇ ਹਨ। ਕੁਝ ਵ੍ਹੀਕਲ ਪਹਿਲਾਂ ਹੀ ਸੜਕ ’ਤੇ ਚੱਲਦੇ ਸਮੇਂ ਪੁਲਿਸ ਦੀ ਨਜਰ ’ਚ ਆ ਜਾਂਦੇ ਹਨ, ਜਿਸ ਤੋਂ ਬਾਅਦ ਜੇਕਰ ਕੋਈ ਵ੍ਹੀਕਲ ਟ੍ਰੈਫਿਕ ਨਿਯਮਾਂ ਦੀ ਉਲੰਘਣਾ ਕਰਦਾ ਹੈ ਤਾਂ ਉਸ ਦਾ ਚਲਾਨ ਕੱਟਿਆ ਜਾਂਦਾ ਹੈ। ਇਸ ਲਈ ਇਸ ਖਬਰ ’ਚ ਅਸੀਂ ਤੁਹਾਨੂੰ ਉਨ੍ਹਾਂ ਵਾਹਨਾਂ ਬਾਰੇ ਦੱਸਣ ਜਾ ਰਹੇ ਹਾਂ, ਜਿਨ੍ਹਾਂ ਦੇ ਚਲਾਨ ਸਭ ਤੋਂ ਪਹਿਲਾਂ ਟਰੈਫਿਕ ਪੁਲਿਸ ਵੱਲੋਂ ਕੱਟੇ ਜਾਂਦੇ ਹਨ।
ਮੋਡੀਫਾਈ ਬਾਈਕ
ਕੁਝ ਲੋਕ ਸੜਕ ’ਤੇ ਇੱਕ ਵੱਖਰੀ ਲੁੱਕ ਬਣਾਈ ਰੱਖਣ ਲਈ ਆਪਣੇ ਵਾਹਨ ਨੂੰ ਮੋਡੀਫਾਈ ਕਰਵਾਉਂਦੇ ਹਨ। ਜਿਆਦਾਤਰ ਨੌਜਵਾਨ ਇਹ ਕੰਮ ਕਰਦੇ ਹਨ। ਮੋਟਰ ਵਹੀਕਲ ਐਕਟ ਤਹਿਤ ਬਾਈਕ ਨੂੰ ਮੋਡੀਫਾਈ ਕਰਨਾ ਟਰੈਫਿਕ ਨਿਯਮਾਂ ਦੀ ਉਲੰਘਣਾ ਹੈ। ਪੁਲਿਸ ਅਜਿਹੇ ਬਾਈਕ ਨੂੰ ਦੂਰੋਂ ਹੀ ਪਛਾਣ ਲੈਂਦੀ ਹੈ ਅਤੇ ਪਹਿਲਾਂ ਉਨ੍ਹਾਂ ਨੂੰ ਫੜ ਕੇ ਰੋਕਦੀ ਹੈ।
ਫੈਂਸੀ ਨੰਬਰ ਪਲੇਟ
ਮੋਟਰ ਵਹੀਕਲ ਐਕਟ ਅਨੁਸਾਰ ਵਾਹਨਾਂ ’ਤੇ ਫੈਂਸੀ ਨੰਬਰ ਪਲੇਟਾਂ ਲਗਾਉਣਾ ਗੈਰ-ਕਾਨੂੰਨੀ ਹੈ। ਟ੍ਰੈਫਿਕ ਪੁਲਿਸ ਅਜਿਹੀਆਂ ਨੰਬਰ ਪਲੇਟਾਂ ਲਗਾਉਣ ਵਾਲਿਆਂ ਦੇ ਭਾਰੀ ਚਲਾਨ ਕੱਟ ਰਹੀ ਹੈ। ਇਸ ਲਈ, ਪ੍ਰਮਾਣਿਤ ਨੰਬਰ ਪਲੇਟਾਂ ਦੀ ਵਰਤੋਂ ਕਰੋ ਅਤੇ ਨੰਬਰ ਪਲੇਟਾਂ ਨਾਲ ਛੇੜਛਾੜ ਤੋਂ ਬਚੋ।
ਸਾਈਲੈਂਸਰ
ਮੋਟਰਸਾਈਕਲ ਦੀ ਆਵਾਜ ਨੂੰ ਥੋੜਾ ਵੱਖਰਾ ਕਰਨ ਲਈ ਅਕਸਰ ਲੋਕ ਬਾਈਕ ਦੇ ਸਾਈਲੈਂਸਰ ਨੂੰ ਮੋਡੀਫਾਈ ਕਰਵਾ ਲੈਂਦੇ ਹਨ, ਜਿਸ ਨੂੰ ਸੁਣ ਕੇ ਟ੍ਰੈਫਿਕ ਪੁਲਿਸ ਸਰਗਰਮ ਹੋ ਜਾਂਦੀ ਹੈ। ਆਪਣੇ ਮੋਟਰਸਾਈਕਲ ਦੇ ਸਾਈਲੈਂਸਰ ਨਾਲ ਕਦੇ ਵੀ ਛੇੜਛਾੜ ਨਾ ਕਰੋ, ਨਹੀਂ ਤਾਂ ਚਲਾਨ ਹੋਣ ਕਾਰਨ ਪਛਤਾਉਣਾ ਪਵੇਗਾ।
